محتاج كنترول ضروري
 

السلام عليكم
انا كان عندي مشكله مزمنه في العربيه وهي لمبه ال

epcكانت قرفاني جدا وكانت بتنور بمعدل كل اسبوعين تقريبا وتم الذهاب اكثر من مره للتوكيل اكان الرد المعتاد ان البنزين وسخ وكان بياثر علي البوابه وان هو ده السبب ان المبه بتنور علي طول
يعني هو البنزين الوسخ سايب مصر كلها وجاي عندي انا
المهم بعد القيام باسكنر في ورش بره كانت انتيجه بوابه محتاجه تغيير
قلت ما بدهاش اغير البوابه طالما الكل اجمع ان البوابه هي السبب ان اللمبه بتنور
وفعلا غيرتها وكانت النتيجه صدمه ان اللمبه منوره
طلعت علي مركز المتحده بعد الشكر في شغلهم والرجل بصراحه الاستاذ محمود
راجل محترم جدا وفاهمين كويس
وشرحت له الموضوع من البدايه
قالي ها نبتدي من الاول وعمل سكان للعربيه وطلعت فعلا مسجله بوابه
قالي غريبه انت لسه مغيرها امبارح
ركب البوابه بتاعتي الاصليه بتاعت العربيه اللي كانت سببب المشكله وحل اللي انا ركبتها
وكانت النتيجه ان العربيه مسجله بوابه ايضا
احضر بوابه من عنده وركبها
وكانت النتيجه ان العربيه مسجله بوابه
يعني مش معقول يكون ال 3 بوابات بايظين
الكهربائي عنده قال كده يبقي عيب كنترول
وفعلا احضر كنترول بامبولايزر بشلبايه هي مجموعه لازم تيجي كتله واحد لوكشه يعني ولا ينفع التشغيل بدونهم وركبهم
وتم عمل سكانر وفعلا العربيه ما سجلتش حاجه خالص
يعني العيب عيب كنترول
المشكله ان الكنترول مش متدوال
وبيجي من العربيات اللي بتسقط مواتير الا نسروتشيل موتور الاسبرانزا وبيبعوه غالي بيقف بحوالي 1500
وفي التوكيل سعره 2500 جنيه
انا بدور عليه جديد او مستعمل بس يكون من حد مني ليه مباشره
لان كل ميكانيكي بيقولي هو موجود وها اجبيهولك بس طبعا اكيد بيكون واخد سمسره جامده فيه
فيا ريت لو حد يعلرف اجيبه منين وسعره يكون كويس
والتركيب امره سهل
سواء مستعمل او جديد لاني واثق اني لو لقيته جديد عند حد بتاع قطع غيار ها يكون سعره كويس وعلي الاقل جديد
انا نزلت شارع دمشق غير موجود اطلاقا
وشكرا ليكم

رد: محتاج كنترول ضروري
 

بص ياحبيب قلبى لو عربيتك لسه فى الضمان رجع كل حاجه زى ماهيا

وروح التكيل ووريهم الوش الخشن وتمسك بحقق وهما يغيره على الضمان


ولو انتا بره الضمان حاول تشوفه فى الحرفيين

وربنا يوفقق وتتحل المشكله

رد: محتاج كنترول ضروري
 

لا والله انا بره الضمان من زمان
وسالت ؤفي الحرفيين مفيش لان العربيه مفيش منها استيراد
زي ما قولت كل الموجود خلع من مصر

رد: محتاج كنترول ضروري
 

طيب عربيت حضرتك ايه

وبص خش على الموضوع ده لينا اخ عامل موضوع ده ظريف جدا

بص عليه http://www.masrmotors.com/vb/showthread.php?t=55011

وفيه موضوع تانى الرابط ده بتاعه وممكن تجبها من بره برده
http://www.masrmotors.com/vb/showthread.php?t=54997

وشوف كده وبرده قول لينا عربيتك ايه GIFT4U

رد: محتاج كنترول ضروري
 

بص وممكن تسال عند احمد مهران ده راجل بجد برد ملوش حل

وبعدين هوه بيستورد قطع غيار لحسابه وده رقمه اطلبه ممكن تلقيها عنده0101562774


وربنا يكرمك وتلقيها فى اقرب وقت