اللوجى اتسرقت
 

نظرا للانفلات الامنى الذي نعيشه وضعف الدولة المصرية لدرجة لم تشهدها البلاد من قبل
استوقفنى تشكيل عصابي فى طريق العبور - الزوامل بالشرقية مكون من 5 اشخاص مسلحين بالالى وبدون نقاش نزلت من السيارة بدون مقاومة لانى عارف اخرها اييه وطبعا اخذوا السيارة بكل ما فيها حتى الموبايل
وذهبت الى مركز مشتول لعمل محضر قالوا لأ مش عندنا روح بلبيس ( قلت فى نفسي مفيش فايدة )
روحت بلبيس فى اليوم التالى وعملت المحضر وبعد كده قالى امين الشرطة تعالى بالليل علشان الضابط مش موجود ( برضه مفيش فايدة )
ذهبت مرة تانية بالليل الى هناك واخذ اقوالى مرة تانية وقاللى تعالى بكرة بعد الجمعة علشان رئيس المباحث من موجود ( رضة مفيش فايدة )
ذهبت تالت مرة الى القسم بعد صلاة الجمعة وتم اخذ اقوالى ثالث مرة واخذت صورة من المحضر هذه المرة ولكن ده كان علشان التأمين مش علشان لا سمح الله يجيبوا السيارة لان الشرطة والدولة فى اجازة
ربنا يسترها على عليكم وكفاية كده بقى فوضى وبلطجة لازم الرئيس والحكومة ( اذا كان فيه حكومة ) تشوف شغلها وترجع الدولة من تاتى

رد: اللوجى اتسرقت
 

ربنا يعوض عليك و ان شاء الله ترجعلك تانى

رد: اللوجى اتسرقت
 

رد: اللوجى اتسرقت
 

ربنا يخلف عليك بالخير
اللهم ارنا في كل من يروع الامنين اية من عندك يارب العالمين

رد: اللوجى اتسرقت
 

لاحول ولا قوه الا بالله الواحد بيترحم علي مصر اللي كانت بلد الامن والامان فعلا والله انا بدأت اكره الثوره والثوار من اللي وصل فيه البلد عشان لولا الثوره مكناش شوفنا رئيس دوله وحكومه زي ديه وربنا يعوض علي صاحب الموضوع وعلي فكره انت مش الاخير والدور علي كل واحد فينا وربنا يسترها مبكنش معاك اختك او مراتك عشان بجد البلد انهارت فعلا شويه بلطجيه والتراس وعيال وميلشيات هما اللي مسكنها واحب اقول في الاخر ولا يوم من ايامك يا مبارك ده رايي مع العلم اني كنت من اشد معارضيه وفرحت لما تنحي وفرحت بالثوره بس لو كنت اعرف ان ده هيبقي حالنا كنت اول واحد وقفت مع انصاره علي الاقل لكان في طريق بيتقطع ولا حد يقدر يحرق ويخرب وكنت بتسافر كل مصر في اي وقت من غير خوف انا مره طلعت الغردقه الساعه 3 بليل في عهده وبالعربيه وتقريبا انا بس اللي كنت ماشي ولا بلطجي ولا بتاع كنت بس بلاقي لجان شرطه ياريت ايه بقي حد يقلي ايه اللي عملته الثوره غير انها رفعت شأن البلطجيه ولكي الله يا مصر