|
استفسار عن خبطه خفيفه للعربيه
اولا السلام عليكم
ثانيا : انا معايا عربيه BYD جديده موديل 2013 و العربيه الحمد لله محافظ عليها جدا و خصوصا من ناحيه النظافه الى حصل معايا انى كنت واقف فى امان الله فى اشاره عباس العقاد و الشارع واقف اصلا ورايا و قدامى المهم الى ورايا معرفشى حصله ايه , لقيته خبطلى العربيه من ورا و انا واقف ( الى غايظنى انه كان واقف بردوا ؟؟؟ و الشارع واقف , مش عارف كان رايح فين ؟؟؟؟؟) و بالتالى انا خبط فى الى قدامى الحمد لله مفيش حاجه جامده حصلت و لا حاجه اكسرت بس الاكصدام الورانى اتخدش و البويه طلعت منه و كذلك الاكصدام الامامى زى ما فى الصور كده ده الاكصدام الخلفى http://imageshack.us/a/img560/3732/allback.jpg و دول الخدشين من قريب http://imageshack.us/a/img827/1828/1back.jpg http://imageshack.us/a/img822/4858/2back.jpg ده الاكصدام الامامى http://imageshack.us/a/img443/7358/frontcie.jpg انا عارف انها حاجه بسيطه , بس الصراحه مضايقانى شخصيا لان العربيه جديده فهل ممكن حد يعمل الحاجات دى ؟؟؟؟ و حد يعرف واحد كويس يعملها بنظافه بحيث متبانشى خالص |
رد: استفسار عن خبطه خفيفه للعربيه
قدر الله وماشاء فعل بسطة يا باشا مش تخاف تحيانى لك |
رد: استفسار عن خبطه خفيفه للعربيه
السلام عليكم ياباشا لسه بدري على الخوف عليها دي حاجه بسيطه جدا بالنسبه لخرابيش السيارات في مصر والله المستعان |
رد: استفسار عن خبطه خفيفه للعربيه
لو على الخدوش
يبقي سيبها تاخد العين - |
رد: استفسار عن خبطه خفيفه للعربيه
سيبها تخد العين او هات قلم دوكو بتباع بلون العربيه في كارفور وحاول تعملها بيها والله الموفق
|
| الساعة الآن 01:34 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017