مصر موتورز مجتمع السيارات - يا عالم يا هوووه ثبات العربيه عرفوووووه

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - يا عالم يا هوووه ثبات العربيه عرفوووووه (https://www.masrmotors.com/vb/showthread.php?t=29797)

يا عالم يا هوووه ثبات العربيه عرفوووووه

http://a.espncdn.com/media/videogame...t2_576x324.jpg

الموضوع ده بيلح (الح يلح الحاحاً) على من فترة ومش هخبى عليكم غايظنى اوى كمان بصراحة

كل ما اقعد اتكلم مع حد عن عربيه تبص تلاقى واحد يقولك لاء حاسب ده العربيه ديه ثباتها جامد جداً دا انا بجرى بيها 180 وملهاش حل ياعم
واحد تانى يقولك حاسب بقى ده الفيرنا ثابته موت لعلمك احسن من الانوس والانسر بمراحل
واحد تالت يقولك من الاخر الاكسنت ديه ملهاش حل فى الثبات خاصة ال 1500 عارف لو ال 1300 اقولك لاء لكن ال 1500 ديه ثباتها حكاية

وتسمع قصائد شعريه فى عربيات خزعبلية اخرها التسعين والمية ويقولك ديه حدوته ديه خرافه ده ثباتها تحفه ده التحكم فيها رهيب وكلام لا يقال الا فى فى عربيات لايقل تمنها عن النص مليون مثلا

ازاى بس ديه عربيه العقل والمنطق والاصول والاعراف الدولية وحقوق الانسان ميتقالش عليها ثابته اصلاً على 120
http://ghawyy.com/forum/images/smili...yy/36_1_42.gif
عربيات لو اتعمل مونديال للثبات هيطلعو من الدور السبعتلاف
والكلام ده فى مصر مش فى هولندا ولا استراليا يعنى شوارع زى الزفت اصلا وملفات المهندس اللى صممها رسمها برجله مش بايدة

[IMG]http://www.**********.net/Nile/images/smilies/36_1_8%5B1%5D.gif[/IMG]

طب يا عمونا الثبات اللى انت تقصده ده ايه معالمة يعنى ولا ايه معناه بالنسبالك ادينى اى امارة عليه

يقولك انا اصلى ببقى ماشى فى الطريق احس انها ثابته
واحد تانى يوقلك اصلى باخد بيها غرز على 180
واحد تالت يقولك حاسب ديه تقيله ع الارض

كلام سهلبيسى متفعكش يؤكد ان موضوع الثبات ده نسبى وكل واحد بيقدرة بمزاجة
هو عارف يتحكم فى العربيه تبقى العربيه ثابتة
هو عارف يمسك العربيه بدراعة تبقى العربيه جامدة اخر حاجة

اللى عايز اقوله ان الثبات عمرة ماكان كده خالص ولا ينفع يتقاس بالشكل ده بس لكن قبل ما اتكلم تفصيلياً عن ماهيه الثبات عايز اسمع ارائكم جميعاً فى معنى الثبات وتعريفه لكل واحد منكم
وكل واحد يقول انا شايف الثبات ان العربيه تكون كذا كذا
وشايف اكتر عربيه ثابته سوقتها كانت كذا

لان الغرض من الموضوع مش ذكر حقائق وبس انما استطلاع رائ فى نفس الوقت وتقريب لوجهات النظر فى اكتر نقطه يختلف عليها فى اى مقارنه بين عربيتين
مش بس كده ده الثبات ده من اهم معاملات الامان فى العربيه فضلا عن كونه سمة اساسيه تكون شخصية السيارة ومدى متعه القيادة وقوة ادائها

فى انتظار ارائكم وتعليقاتكم ولى عودة اكيد ان شاء الله

http://us1.webpublications.com.au/st...5/1524_3lo.jpg

مرة تانية

ايه تعريف الثبات بالنسبالك (امتى تقول ان العربيه ديه ثابته او غير كدة ) ؟
ايه العربيه اللى سوقتها وشايف انها ثابتة؟
ايه العربيه اللى سوقتها وشايف انها تفتقر للثبات؟

رد: يا عالم يا هوووه ثبات العربيه عرفوووووه

فى رايى .....العربية الثابتة هى العربية اللى و انت بتجرى بيها و بتفتح تلاقيها متماسكة ...تقدر تسيب الدركسيون بتاعها لو الطريق متظبط و متلقيهاش بتلعب ....و تلاقيها على سرعات عاليه (فوق ال90 مثلا) بتاعت مناورات و غرز ...يعنى عربية شقية على الطريق تقدر تجرى و تسلك نفسها بين العربيات التانية ....و لوانت ماشى على سرعة متوسطة و عدى من جنبك نقل تقيل ..تلاقى العربية ثابتة مش بتتمرجح ...و طبعا و هى اخده حموله عادية مش متكربسة .. تقبل مرورى ...

رد: يا عالم يا هوووه ثبات العربيه عرفوووووه

شكراً يا كيمو على المرور والمشاركة

رد: يا عالم يا هوووه ثبات العربيه عرفوووووه

أولا : أنا مش متخصص أوي في العربيات وهندستها ، بس من وجهة نظري إن الثبات هوه " مدي إستقرار السيارة علي الطريق ومقاومتها للعوامل والظروف الطبيعية والخارجية والطرق ، في مختلف الأجواء والظروف المحيطة بها ، وعلي مختلف السرعات المنصوص عليها من قبل صانعها " ، ده رأيي حبيت أصيغة ب لغة عربية فصحي .
ثانيا : العربية الغير ثابتة " في رأيي " هيه العربية الصغيره ذات محاور العجلات الضيقة ، وخفيفة الوزن ، زي العربية " الأونو " وديه كانت معايا .
ثالثا : العربية الثابتة " في رأيي " هيه العربية ثقيلة الوزن " نسبيا " ، وذات محاور العجلات العريضة ، وحديثا يمكن أن يكون لنظام ال EBD أثر في ثبات السيارة في الملفات ، وغيرها من مقاومة عوامل الطريق المختلفة .
د / خالد

رد: يا عالم يا هوووه ثبات العربيه عرفوووووه

العربية الثابتة بكل بساطة اللى توصل بيها مثلا ل 180 وماتحسش بأن العربية خلاص هتتقلب منك لو لمست الدركسيون وماتحسش أصلا بأنك وصلت للسرعة دى.
يعنى ببساطة عربية مفهاش باور ستيرينج (خفيف), عربية تصميمها أيروديناميكى ومركز الثقل بتاعها قريب من الأرض, وعفشتها ناشفة.

وسبب الأختلاف على الثبات هو أن تجارب الناس مش واحدة, يعنى اللى ركب مرسيدس وركب بعدها فيرنا, غير اللى ركب 128 وبعدين ركب فيرنا.
فالموضوع نسبى مش أكثر وكل واحد وليه رأيه.