لقد وقعنا فى الفخ الحقونى لو فى حد من الزقازيق
 

اخيرا قررت استخرج رخصة قيادة من مرور الزقازيق

اخدت معايا شهادتين الباطنة والنظر وصورتين شخصية والبطاقة وصورة البطاقة

والمؤهل وصورته

رحت على المرور وسئلت يا جماعة هيا المدرسة اجبارى ولا اختيارى

رد الموظف :: طبعا اختيارى يا استاذ

قلتلو خلاص مش عاوز مدرسة

قالى بتعرف تسوق

قلتلو اه

قلى حافظ العلامات

قلتلوه اه

قلى خلاص ادفع 45 جنيه وهاتلى ملف اول مرة من عند الجامع ::كشك تصوير فى المرور وبيبيع الملفات ::

اخد ال 45 جنيه والملف والصورتين وصورة البطاقة بس

مسالنيش على المؤهل مش عارف ليه

قلتلوا عاوز صورة الموهل

قلى لا

قلتلو متاكد

قلى لو كنت عاوز حاجة تانية كنت هاقولك

وراح مدينى كارت شحن بتاع موقع سواق المستقبل مكتوب عليه السعر 15 جنيه الزمن 90 دقيقة

وقلى تعالى يوم 11/26 عشان تمتحن نظرى وعملى

وانا ماشى بقى لقيت الناس يتمتحن عملى سالتهم ايه يا رجالة ايه الاخبار

عملته ايه وقدمتوا ازاى عشان انا مش مصدق ان الاجراءات تخلص سهلة كده

وحكيت لهم

الكارثه بقى انهم قالولى لازم تخش مدرسة عشان تنجح

لو مدخلتش المدرسة هتصقط حتى لو انت عارف كل حاجة فى الدنيا

وهذ الاكلام بالجماع لكل الحاضرين

والمدرسة دى ب 360 جنيه وتقعد شهر 30 يوم رايح جاى عليهم 3 ايام فى الاسبوع

المهم الموقع بتاع فيوتشر دريفر

دخلت عليه بالكارت وقلبت فى المعلومات اللى عليه

لقيت فعلا فى اسئلة مش عارفها

ونسبة النجاح 80 فى الميه

12 سؤال لو غلط فى سؤالين تنجح ب 83 فى الميه لو غلط فى تلاتة اسئلة تبقى صاقط

المهم قلبت شويه وبعدين الكارت خلص

والصفحات التجريبية كلها اسئلة سهلة ملهاش لزمة

طولت عليكم معلش بس انا عاوز اعرف اعمل ايه عشان اعدى من الامتحان النظرى ده

لانه كله مجمع انك طالما مدفعتش لهم رشوة المدرسة يبقى الامل ضعيف

لكن اللى بيخش المدرسة ويكون فى الملف بتاعة اوراق المدرسة ما بيدخلش الامتحان خالص

المدرسة بتعديه من الامتحان

انا بسميها رشوة قزرة


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

رد: لقد وقعنا فى الفخ الحقونى لو فى حد من الزقازيق
 

انا مسخسر الفلوس

بس لو اضطريت هادفع

وحسبى الله ونعم الوكيل

ياريت اللى جرب يرد عليا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

رد: لقد وقعنا فى الفخ الحقونى لو فى حد من الزقازيق
 

هيا بتختلف من مرور لمرور بس مرور المنصوره نفس الموضوع اعرف ناس طول عمرهم بيسوقم وقدمم امتحان من غير مدرسه فسقطوهم فى النظري بس نجحم تانى مره وانا كنت مقدم تبع المدرسه ومكانش فيه امتحان نظري فعلا فانتا شوف ايه نظام المرور عندك

رد: لقد وقعنا فى الفخ الحقونى لو فى حد من الزقازيق
 

انا عن تجربتى الشخصيه
مرور الزقازيق برضه
انا عملت زى ما انت قولت بالظبط ورحت ميعاد الامتحان
وعديت من النظرى بالعافيه والسواقه سقطونى فيها مع انى سواق بقالى كتير
روحت وقدمت للمدرسه غصب عنى علشان انجح ودخلت دفعت المصاريف بتاعه المدرسه
وبالمناسبه فى واحد مدرب هناك اسمه الكابتن عمرو ممتاز جدا
المهم انا روحت له وقلتله انى بعرف اسوق وجاب عربيه شاهين وقالى تعالى سوقها
المهم سوقتها وقالى خلاص متجيش تانى تعالى على ميعاد الامتحان على طول
روحت فى الميعاد ومدخلتش امتحان نظرى اصلا والسواقه امين الشرطه اللى جنبى
هو اللى كان بيسوق ونجحت
وكل ده علشان دفعت مصاريف المدرسه
فانا بقولك ادفع احسن واسئل على كابتن عمرو وبالتوفيق ان شاء الله

رد: لقد وقعنا فى الفخ الحقونى لو فى حد من الزقازيق
 

هحاول ابجح شويه كده معاهم ممكن يعدونى

ولو لزم الامر يبقى ما باليد حيلة

مدرسة وخلاص