اريد حل لمشكلة البطارية
 

عاوز استفسر منكم على حلجة بتحصل لى و مسببة الم كبير اوى

انا من شهر 6 اتسرقت البطارية بتاعتى و اضطريت اجيب بطارية جديدة فقلت اجيب بالمرة ةطالما كدا كدا هادفع فجبت بطارية جافة فارتا الالمانى 70 امبير على اساس ان الكل قال عليها بتقعد كتير على بال ما تفضى الشحن لانى مش من النوع اللى بيسوق كتير
و لما جبتها حصلت مشكلة فى ظهرى و من ساعتها مش بقيت اسوق الا فين و فين لدرجة انى راكنها بالاسبوعين على بال ما احركها
المهم بدأت المعاناة من يوم رحت مشوار حلو بتاع 10 كيلو و ركنتها ساعتين و انا راجع جيت ادورها مدارتش الا زق و قال لى المكانيكى اللى شافها هناك ان البطارية نايمة و هتشحن على بال ما اوصل
لفيت بيها ششوية زيادة يعنى بتاع 15 كيلو و ركنتها بس للاسف حوالى 10 ايا م فرجعت طبعا لاقيتها نايمة خالص
عملت لها وصلة و طلعتها من الجراج و وديت البطارية بتاع شحن بطاريات فحطها على الشاحن مكملش نص ساعة و قال لى تعالى خدها شحنت قلت له هى كدا لحقت قال اه اصلها جديدة المهم ركبتها و اول ما بطلت مدارتش تانى الا زق و رحت بيها للكرهبائى قاسها و قال لى كويسة بتجيب 14 و المشكلة كانت فى سير الدينامو مكنش مشدود و مش مخليها تشحن كويس و انه ربطه
طلعت بيها مشوار و نامت تانى و رجعت بيها البيت و ركنتها بتاع اسبوع لانى تعبت و سافرت كمان و جيت ادورها امبارح طبعا ولا الهوا اخدت لها وصلة و قلت امشى بيها شوية و فولته ا بنزين و قلت اطلع للتحرير و ارجع يعنى اعمل مشوار بتاع 20 كيلو عشان تشحن لانى كل ما تبطل منى اديها توصيله عشان تدور لما زهقت
المهم وانا راجع بدات لما تبطل و الحقها بدوس بنزين و ادروها تانى بسرعة تدور

عاوز بقى افهم
اولا : كدا البطارية طارت و لا ايه بالزبط
ثانيا : هى مش المفروض تشحن و هى واقفة اول ما تدور ولا الدينامو لازم اتحرك بيها و ازاى اتحرك بيها 5 او 6 كيلو و برضه ميبقاش فيها شحن خالص
ثالثا: لو مكانتش طارت هل فيها امل انى اعمل مشاوير كبيرة عشان تنطق زى ما عملت كدا و نا راجع اخر اليوم بعد يوم المعاناة امبارح
رابعا : اخر اليوم الشكمان اتكسر و محتاج يتلحم هل دى موضوع صعب ولا سهل و بياخد وقت اد ايه و تكلفة اد ايه

رد: اريد حل لمشكلة البطارية
 

انا شاكك انها بطارية بايظة
فعلا اول ما العربية تدور و هى واقفة الشحن يبتدى
برضه المشكلة انك بتسيب العربية راكنة كتير و مشاويرك قصيرة و وقتها قصير فالبطارية مبتلحقش تشحن
هل اتاكدت ان مفيش تهريب كهربا ؟

رد: اريد حل لمشكلة البطارية
 

رد: اريد حل لمشكلة البطارية
 

السلام عليكم
بخصوص اولا وثانياوثالثا...موضوعك بختصار شديد جدا كان نفس الموضوع عندى الى ان كرهت البطارية والعربية وتروح للكهربائى يقولك اصل انت مبدورهاش كتير ...(البطارية سائلة ) وبعد ماروحت لعدد 2 الكل اجمع ان البطارية تمام واحتمال يكون فى تهريب او ماس المهم رحت لكهربائى استاذ كبير ...عمل قفلة وخالنى اشوف البقليل الصغيرة اللى بتطلع من البطارية والبظبط من عدد 3 اربع وبعد مارحت لبتاع البطاريات اللى انا اشتريتا منه قالى البطارية تمام ....الموضوع ان البيه مش عاوز يغيير البطارية ...المهم روحت بعت البطارية السائلة وجبت واحدة جافة والحمد لله الامور ماشية تمام ...اما بخصوص الشكمان كان انكسر عندى من بعد العلبة الكبيرة بعد الموتور ولحمته بحوالى 25 جنيه وشكرا ...واسف للاطالة.....

رد: اريد حل لمشكلة البطارية
 

ممكن حضرتك تكتب موديل البطارية
لمعرفة اذا كانت بطارية عادية أم بطارية كالسيوم
للأسف محلات كتير بتبيع البطاريات الكالسيوم لتركيبها على أى سيارة
الفرق بين البطارية العادية والكالسيوم:
البطارية العادية يتم شحنها بجهد من 13.8 الى 14.2 فولت
أما البطاريات الكالسيوم فتحتاج جهد أعلى من 14.4 الى 14.8 فولت وهى تصلح لبعض السيارات وليس لكل السيارات