العربية جابت موتور ارجو المساعدة
 

السلام عليكم
دلوقتى انا معايا مرسيدس 190 موديل 84 اللي حصل انى ماشى فى امان الله فجاءه خرطوم زيت الموتور اتهرى واتقطع محستش بالكلام ده غير لما العربية وقفت و كان حصل اللى حصل المهم قطرت العربية وروحت للميكانيكى وقلى لازم عمرة.
فبعد ما سألت عرفت ان موتور استيراد هيكون احسن حل بدل العك بتاع العمرة.
حد يقدر يقولى على حد كويس اجيب منه مكنة نضيفة وايه احسن مكنة اقدر اجيبها او لو فى حل تانى؟
سؤال تانى برضو كنت بسمع عن موضوع العربيات النصين اللى بتيجى من برة لتستخدم كقطع غيار استبن للعربية الأساسية وكنت بفكر فى الموضوع ده لأن كذا حاجة فى العربية عايزة تتغير محدش عندو فكرة عن الموضوع ده و ال 190 النصين تعمل كام؟
آسف للأطالة وشكرا مقدما

رد: العربية جابت موتور ارجو المساعدة
 

معلش قدر الله وماشاء فعل ربنا يعوض عليك انزل الحرفيين واسال على شارع المرسيدس هتلاقى كل حاجة من الابرة للصاروخ زى ما بيقولو

رد: العربية جابت موتور ارجو المساعدة
 

قدر الله و ما شاء فعل, المهم حضرتك بخير و طظ فى أى حاجة تانية

لو مكنة الـ 200 (المعدلة) تركب عندك على نفس القواعد تبقى أفضل بكتيييييييير
لإنها أشهر نوع للمرسيدس القديم شغال فى السوق المصرى, و لذلك هتلاقى إصلاحها أسهل و قطع غيارها أوفر شوية من الـ 190, الحرفيين أفضل مكان بس متستعجلش و إنت بتدور و حاول تآخد حد من قرايبك أو إصحابك يكون عندة خبرة علشان يلف معاك و تشوف مكنه خلع بقواعدها بزيتها و ترابها و خراطيمها و كل حاجة (العربيات اللليبى المتهربة لمصر معظمها مرسيدس بتتفكك و تتباع إستيراد هنا)
و إن شاء الله تلاقى غرضك.
أعانك الله

رد: العربية جابت موتور ارجو المساعدة
 

الف شكر يا باشا على المعلومات دى فعلا لو بتاعت ال 200 تركب هتكون من الأخر هسأل الميكانيكى عل موضوع ده ولو كدة هاخد حد معايا وانزل اسأل فى السوق

رد: العربية جابت موتور ارجو المساعدة
 

تمام يا باشا ربنا يخليك بس متعرفش حد معين هناك يكون حد تبعك اتعامل معاه لأن هناك النصب للركب ولازم يكون حد فاهم كويس فى المواضيع دى وانا اول مرة اتعامل فى موضوع المواتير بصراحة