مصر موتورز مجتمع السيارات - ايجى تورست تفترح اولى رحلاتها ( شاركنا برأيك )

بسم الله الرحمن الرحيم

اصدقائى واخوتى اعضاء مصرموتورز ..

الحقيقه .. النهارده انا و أ/ اشرف القبطان فكرنا اننا ننظم اولى رحلات ايجى تورست للاعضاء

الحقيقه فكرنا اننا نعملها فى اكتر من مكان . منها اننا نعمل جوله فى مدينة الاسكندريه لمدة يوم واحد
او رحلة 3 ايام لشرم والغردقه
او اننا نعمل رحلة مجمعه لاكثر من مكان زى ( القلعه - مسجد السلطان حسن - بيت السحيمى - حديقة الازهر - جوله فى مركب فى النيل ) واماكن من هذا القبيل

وان الرحله دى تكون فى اجازن نصف السنه اللى جاى ان شاء الله فى الفتره من 27 يناير الى 10 فبراير وانها تكون فى يوم اجازه رسمى فى البلد او يوم جمعه بحيث اننا كلنا نتجمع

الحقيقه الفكره عجبتنى جدا
اولا لانى هشوف اعضاء كتير فعلا انا بعزهم وبحبهم
ثانيا لاننا هنفعل اولى انشطة ايجى تورست
ثالثا لانكم وانا معاكم هنشوف اماكن يسمعنا عنها كتير وللاسف كتير قوى مننا ماشفهاش

الحقيقه بعد ما الفكره اتخمرت فى دماغنا وجدنا ان افضل مكان نعمل فيه الرحله هو اكتر مكان انتوا هيبقى نفسكم تروحوه

لذلك فاحنا قررنا اننا نعمل الموضوع دا علشان ناخد راي كل واحد فيكم فى

ايه هو اكتر مكان نفسك تروحه وتقضى فيه يوم جميل وممتع مع اصدقائك فى ايجى تورست او مع العائله ؟؟

كل اللى مطلوب منكم ان كل واحد فيكم يقولنا ايه هو اكتر مكان عايز يروحه
شرم / الغردقه / الاقصر واسوان / رحلة صيد فى مركب فى البحر لمده 24 ساعه / جولة فى معالم القاهره ( ولو اخترت ان الرحله تكون فى القاهره ياريت تقولنا عن الاماكن اللى تحب انك تزورها )

وطبعا ممكن تستعينوا بالاقسام الموجوده فى المنتدى لاختيار افضل الاماكن اللى تحبوا تشوفوها وتزوروها

.....

كمان فيه فى اول الموضوع توصيت علشان نعرف بيه عدد اللى مرحبين بالموضوع واللى ارجوا انكم فيه تتحروا الدقه فى الاختيار علشان الموضوع ينجح

وياريت كمان لو حد فينا عنده اقتراح فى نفس السياق انه مايبخلش علينا بيه

الاقتراحات والمشاركات متاحه ليوم 15 ديسمبر 2010 علشان نقدر فى خلال الشهر اللى باقى اننا ننسق اليوم ومكان التجمع وتكلفه الرحله

على فكره يا جماعه .. الرحله دى هتكون شامله الانتقالات والهدف منها هى خدمة اعضاء المنتدى فقط لا غير ولا يوجد ليها اى هدف ربحى

احنا كمان فكرنا اننا لو تكلفه الرحله متماشيه مع مقدرة الاعضاء فكرنا اننا نتفق على مطعم نجيب منه سندوتشات باسعار مخفضه بنسبة خصم بتوصل لـ 15 % وفى الوقت اللى نحدده وفى المكان اللى نحدده كمان علشان الاكل يجيلنا سخن

وكمان فكرنا فى اننا ننوه على عمل مسابقه من خلال الرحله وهى عباره عن ان كل عضو ممكن يعمل موضوع عن الجوله بالكامل او جزء منها وافضل 3 مواضيع لافضل 3 اعضاء هيكون ليهم جوائز ماليه وعينيه زى كروت شحن للموبايل / تذاكر مخفضه لدريم بارك / وسام الموضوع المميز + لقب شرفى افضل موضوع ...

الافكار كتيره وشيقه وان شاء الله نستمتع بيها كلها .. وانا كل اللى اقدر اوعدكم بيه انه ان شاء الله هيكون يوم لا ينسى

وانا فى انتظار مشاركاتكم ومقترحاتكم
:GROWIN~12::GROWIN~12::GR OWIN~12: