رجاء خاص للسادة الفتايين
 

ارجو من السادة الفتايين اللي بيتكلموا على اللوجان وبيقولوا ان العربية دي سيئة ووحشة ومش عارف ايه انهم يجربوا اللوجان الاول او يشوفوها وبعد كده يتكلموا براحتهم
وشكرا

رد: رجاء خاص للسادة الفتايين
 

انا العربيه سوقتها كذا مرة واشتراها اخويا الصغير دلوقتى وبرضو شايفها وحشة
ومش معنى ان حد شايف عربيه وحشة انه بيفتى ممكن يكون هو رايه فيها كده مش عاجبه شكلها تكنولوجي قديم سعر وقطع غيار اغلى من البدائل بدون داعى كل ديه ممكن تكون اسباب ناس كتير تشوفها وحشة
عادى يا باشا ديه شوية صاج وكل واحد حر فى رائيه

رد: رجاء خاص للسادة الفتايين
 

لسه كنت قاعد مع صحابى أمبارح فواحد بيقولى عاوز أشترى عربية مستعمل تنصحنى بأيه ؟
قولتله لوجان او لانوس أو لادا أو ماروتى
على حسب لو عاوزها شبابية ولا عائلية
راح واحد صاحبى قايل لوجان اييييييييييييييه دى وحشة اووووووى :dzy:
مع العلم أنه (مسقش عربية قبل كده) سوقسوق
رحت أنا :01964E~163: بتقول كده ليه ؟!!!
قالى الناس بتقول أنها وحشة وقطع غيارها غالية .. بلاا بلاا بلاا
رحت أنا :khd:

رد: رجاء خاص للسادة الفتايين
 

باشا
انا قصدي على ناس عمرها ما جربت العربية اصلا
وبتقول انها سمعت واحد بيقول ومش عارف ايه
انما انتا جربتها يبقا تتكلم براحتك
بس طبعا انتا اكيد هتقول على اي عربية بالسعر دا واغلى منها كمان انها مش حلوة
انتا راكب بي ام دبليو اكيد هتحس بالفرق هههههههه

رد: رجاء خاص للسادة الفتايين
 

معظم الأراء بتقول إن اللوجان عربية إعتمادية وفوق الممتازه بالنسبة لفئتها السعرية.
بس عيبها الوحيد "من وجهة نظرى" شكلها من قدام مش عاطفى.
دى لو شكلها اتغير شويه وبقى فيه منها سبور دى ممكن تكون العربية الأولى فى مصر.

سوقسوقسوقسوقسوقسوق