تابلوه اسبيرانزا بيسيح من الشمس
 

سمعت عن واحد معاه Speranza A516 راكنه 4 او 5 ايام و رجع لاقاهه التابلوه سايح على بعضه.
قالى الكلام ده واحد فى معرض لما سألته عن اسبيرانزا و بيقول ده بيسيح من الشمس
فأنا بسأل اللى عندهم اسبيرانزا هى خامات البلاستيك رديئه أوي كده ولا بيشتغلنى (و خاصة ِA113)
انا عن نفسى مش مصدقه بس حبيت أتأكد
و اطلب ارآكم عن السياره

رد: تابلوه اسبيرانزا بيسيح من الشمس
 

ساحت ! .. انا اعرف واحد معاه a516 بقاله سنه دلوقتى عمره ما اشتكالى الشكوى دى بصراحه !

رد: تابلوه اسبيرانزا بيسيح من الشمس
 

شوف أنا هكيلك قصة مؤلمة بالنسبالى لكن فيها الرد الكافى على سؤالك
أنا عملت حادثة أول سبتمبر اللى فات يعنى كان لسه الدنيا فى عز الحر
و نقلتها لتوكيل الصحراوى تانى يوم و هناك العربية كانت مرمية فى الساحة أمام قسم السمكرة و كانت العربية معرضةللشمس طول النهار حيث لا يوجد أى ظل على العربية من طلعة الشمس للمغرب بالإضافة إلى أن الفجر فى الصحراء غالبا ما يصاحبه ندى (هتقولى عرفت منين هو إنت بتبات جنب العربية- أقولك لا لكن أثار الندى كانت بتبقى باينة الصبح)
ده غير أكوام التراب إللىإتكومت على العربية و التبلوة
العربية بقى قعدت كام يوم على الحال ده

قعدت أربعين يوم بالتمام و الكمال طول النهار فى الشمس و التراب و فى الفجر ندى و رطوبة

و بعد كل المدة الطويلة دى من العذاب (بالنسبة للتابلوة) لم يحدث أن ساح و إتغير لونة و لا أى تأثير على الإطلاق

أرجوك متصدقش كلام الناس إللى بتفتى فى العربية عن سمع أو تهيؤات (نفس الكلام إللى كان بيتقال على الكورى أول ما نزل)

بقى أن أقول إن السيارة A516

للأمانة الشىء الوحيد إللى إشتكى منه أحد ملاك الباندا A113 إنه مرة رش بارفان على التابلوة فلقى لونه إتغير تانى يوم فى المكان إللى رش عليه (بمعنى إن اللون راح أو بهت)

رد: تابلوه اسبيرانزا بيسيح من الشمس
 

مشكور مستر حازم للافادة و انا ايضا كنت شاكك في كلام الرجل اللى قالى و ارجو المزيد من المشاركات

رد: تابلوه اسبيرانزا بيسيح من الشمس
 

يا سيدى العزيز فيه ناس عندها قناعة ان مكونات السيارات الصينى بتسيح من الشمس زى الحلاوة الطحينية والابواب بتطير فى الهوء والعفشه بتقع منك وانت ماشى والعجل بيتفك مع اول مطب الخ الخ من الرسومات الكرتونيه اللى ملهاش وجود الا فى خيال بعض الناس من متخصصى الافتاء بغير علم

الخامات المستخدمة فى الصينى عموما وعلى سبيل المثال الاسبيرانزا هى هى زى الخامات اللى كانت مستخدمة فى بداية الكورى والكورى المعاد تصنيعة فى مصر او روسيا او الهند بس يعاب على الشركات الصينية انها بتحاول تعمل من الخامات ديه تكوينات معقدة اكتر من الازم علشان ترسم بيها اشكال متطورة وفخمة فى الصالونات بتكون اكبر من قدرة الخامة وكفائه العاملين على مراقبة الجودة والتقفيل
فوارد انك تلاقى فى بعض الحالات تشققات او نتوء بعض الاجزاء عن الاخرى وديه حاجات تحصل زى ما قولت فى الصينى والكورى القديم والحديث المعاد تصنيعة فى مصر او الهند او ايران وديه كلها حاجات مقبولة لغالبية الناس فى مقابل اجمالى قيمة العربية مقابل سعرها