|
ولعت النور العربية بطلت!!
النهاردة راجع من 4.5 فى طريق السويس و اخدت طريق مصر الجديدة و ماشى عادى جدا و مفيش اى مشاكل و ولعت النور العالى لقيت العربية بطلت و فصلت كهرباء تماماً و كأنى النور قطع ( و بالمناسبة النور كان قاطع فى مصر الجديدة فى منطقة الكوربة فى نفس الوقت ده و مش عارف هو مرسى حيقطع علينا النور فى العربيات كمان و لا أيه؟!) المهم هديت شوية و قفلت الكونتاكت و فتحته و دورت العربية دارت عادى جدا و كأنى مفيش أى حاجة و جربت و انا ماشى و وانا واقف انور النور و اطفيه كذا مرة و لم يتكرر هذا نهائياً!! ملحوظة: من فترة كان عندى لمبة فى التابلوه أعتقد بتاعة تسخين الزجاج الخلفى بتنور مع دوسة الفرامل احياناً و مازالت تلك المشكلة قائمة فهل هناك تلميس و هل لهذا علاقة بما حدث اليوم؟! و ايه اللى حصل فى العربية عشان تبطل كدة؟!
|
رد: ولعت النور العربية بطلت!!
اخى الكريم
بخصوص تبطيل العربية مع رعاش النور ( تاكد من ان كابل الارضى مش سايب او عدم وجود املاح على قواطيش البطارية ) اما بخصوص انارة لمبة تسخين الزجاج مع دوسة الفرامل لازم كهربائى يكشف على العربية وفى الاغلب هيكون سلك ملمس ارضى وتقبل مرورى :Wkiss5: |
رد: ولعت النور العربية بطلت!!
اقتباس:
أهى دى بقى بركات الدكتور مرسى :CHUBBY~36: |
رد: ولعت النور العربية بطلت!!
الف شكر يا استاذ ahany و هشوف كابل البطارية ظروفه ايه و هكشف عليها عند الكهربائى و لو فيها حاجة بسيطة هعملها لكن لو شغلانة كبيرة فحسيبها لانى احتمال ابيعها الشهر الجاى و طبعا حقول للشارى على اللى فيها الف شكر مرة تانية. mhamdy75 هههههههههههههههه معاك حق فعلاً ضحكتنى و ربنا يسترها على البلد دى و شعبها.
|
رد: ولعت النور العربية بطلت!!
ايه علاقة محمد مرسى بالموضوع
ايه بركاتك يا مرسى؟؟ على فكرة وزير الكهرباء اسمه محمود بلبع يبقى بركاتك يابلبع مش يا مرسى هو كل حد يحصله حاجه يقول مرسى السبب ارحموا نفسكم شوية بقى |
| الساعة الآن 07:46 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017