الريموت بتاع السيراتو بيعلق
 

أولا : صباح الفل عليكو وكل سنة وانتو طيبين ورمضان كريم :fun_36_3_9[1]:
أنا يا جماعة معايا سيراتو بصمة 2011 والريموت بقالو كام مرة كدة بيعلق معايا في الفتح أو القفل يعنى لازم اقعد ادوس عليه كذة مرة علشان يفتح او يقفل النهاردة بقى نزلت الصبح قعدت ادوس عليه علشان بفتح مرديش يفتح خالص ولا البصمة شغالة ففتحت بالمفتاح ودخلت العربية علشان ادور لقيته بيقولى insert key ومش عايزة دور وبعد كزة مرة أدوس فيها فرامل واسيب لحد ما البدال حجر معايا راحت العربية دايرة والمفتاح اشتغل .
دلوقتى هل ده سببه ان بطارية المفتاح عاوزة تتغير ولا في سبب تانى .
ولو البطارية عايزة تتغير ... اغيرها منين ؟ ولا لازم اروح التوكيل .
ياريت حد يقدر يفيدنى في الموضوع ده وشكرا ليكم .... وصباحكم زى الفل

رد: الريموت بتاع السيراتو بيعلق
 

البطارية الخاصة بالمفاتيح تحتاج للتغير
لا تهمل حتى لا تتلف بوردة المفتاح
دائماً يفضل تغير بطارية اى ريموت كل 24 شهر للحماية والوقاية
اى محل مفاتيح محترم يقوم بهذة العملية بسهولة جداً

رد: الريموت بتاع السيراتو بيعلق
 

الحمد لله العيب كان في بطارية المفتاح وغيرتها من وسط البلد ب 15 ج - البطارية 3 فولت ورقمها 2032 وشكرا

رد: الريموت بتاع السيراتو بيعلق
 

شكرا ليك يا أ/ محمد

رد: الريموت بتاع السيراتو بيعلق
 

شكرا لايضاحك لاني عندى فعلا نفس المشكله وبدور على بطارية لاقيت ان المقاس دا مش موجود فلو ينفع تقولي جبته منين بالظبط يبقي كتر خيرك انا الى لاقيته 2425 من عند راديو جاك ب 13 جنية ولسه قولت هنزل اجيبها