تركيب الانذار-الف شكر سبير كار-الف شكر استاذ محمد شبل
 

انا لسيه راجع من شوية من عند سبير كار شارع نوبار وركبت انذار spy 2 way ...طبعا استقبلني استاذ محمد شبل وانا كنت حاجز قبلها وبصراحة زي ما قال كل الاعضاء الناس هناك غاية في الاحترام..ومسبونيش غير لما عرفت كل حاجة عن الانذار واتاكدت من سلامته...ولما استاذ محمد شبل قلتله اني من اعضاء مصر موتورز اداني الانذار ومعاه مشترك ثلاثي ب 420 ج فقط...تصوروا....وكمان هدية عبارة عن معطر سيارة

فعلا الف الف شكر استاذ محمد...الف الف شكر لكل سبير كار وكل الفنيين والموظفين
شكر مستحق حبيت انقله لكل الاعضاء...

تحياتي
محمد

رد: تركيب الانذار-الف شكر سبير كار-الف شكر استاذ محمد شبل
 

الف مبروك على الانذار والسعر مع الهدايا كده مناسبين جدا يعنى بصراحة مفيش تخفيض اوى عشان مصر موتورز بس بصراحة كفاية انك تبقى ضامن انك تركب الحاجة فى مكان كويس
والف مبروك مرة تانية
وانا برضه هاروح قريب اركبه عندهم

رد: تركيب الانذار-الف شكر سبير كار-الف شكر استاذ محمد شبل
 

سبير كار فى خدمه حضرتك شرفنا فى اى وقت

رد: تركيب الانذار-الف شكر سبير كار-الف شكر استاذ محمد شبل
 

معلش انا حصلتلي مشكلة صغيرة في الانذار وقلت اما اقولهالكم...
وانا في الشغل بالصدفة طلعت المفاتيح وفيها الانذار طبعا.فلقيت الشاشة مظلمة..طبعا اتخديت واذايقت جدا وحاولت اذغط على كل المفاتيح لكن بلا فائدة وطبعا مكنش معايا الانذار الاحتياطي...ستر ربنا اني بيتي جنب الشغل بشوية ..طبعا اول ما ركبت العربية الانذار اشتغل وقاعد شغال طول الطريق للبيت لحد ما جبت الانذار الاحتياطي...بعد شوية جبت ريموت الانذار اللي بشاشة اللي مش شغال وقلت اما اجرب اضغط على زرار الفتح لمده 5 ثواني زي الكمبيوتر..وفجاة لقيت الشاشة بدات تنور وتدي صوت كانها بتعمل ريستارت بالظبط ..جربت اضغط عليه تاني لنفس المدة لقيت الشاشة قفلت ..ثم ضغطت علية مرة ثالثة لقيتها فتحت وعملت ريستارت واشتغل تمام...انا اتصلت بسبير كار لكن قالولي لازم تجيلنا وطبعا انا ساكن في 6 اكتوبر ..المشوار مش سهل....المهم انا عايز اعرف ايه تاثير ده..وهل فعلا ده ريستارت..على فكرة الموضوع ده محصللش لما حبيت اجربه مع زرار القفل LOCK
وفي انتظار ردودوكم

تحياتي

رد: تركيب الانذار-الف شكر سبير كار-الف شكر استاذ محمد شبل
 

معلش سؤال اخر: لو البطارية بتاعة الريموت خلصت او بطارية العربية فصلت هل ده يؤثر على الانذار ويحتاج برمجة مرة اخرى ...ياريت الكل يستفيد من اللي حصل معايا في المشاركة السابقة ...وكنوع من الاحتياط خلي الريموت الاحتياطي في العربية على طول...

وفي انتظار نصائحكم

الف شكر