مساعده فى تظبيط كريستاله
 

انا معايا لانسر 99 من الزيرو الحمد لله وعامله دلوقتى 300 الف كيلو وكنت بعملها صيانه العاديه الزيوت والفلاتروالكاوتش ومكنتش بتقول لأ وعملت صيانة عفشه مرتين بس وتم تغيير 2 مساعد امامى وكام حاجه كده مش فاكرها ........بس طبعا العفشه دلوقتى ناشفه وبتخبط فانا عايز اعمل عمره للعربيه كلها زى ما بيقولو وعلى فكره العربيه كانت مع والدى بس انا خدتها منه وعايز اظبطها

العفشه : عايز اغير عفشه للعربيه كامله وبفكر فى عفشه سبورت كونى طبعا بس مش عارف سعرها يبقى كام ومكونتها ايه يعنى 4 مساعدين وسوست وشدادت اماميه وخلفيه ولا ايه بالظبط لانى عايز اجنط 15 او 16وعايز عفشه تستحمل الجنط ده ولا اعمل ايه بالظبط بجد انا محتار جدااا وعايز اقوى الفرامل شويه فياريت اللى بيفهم فى الموضوع ده يفدنى انا سمعت عن طنابير سكاكين بس مش فاهم ايه نظامها .....وعايز اغير اسطوانه دبرياج برضه ...يعنى من الاخر العفشه كلها تنزل واللى عايز يتغير هغيره بس عايز اعرف حد كويس فى الحرفيين او فى القاهره ...

الموتور: عايز اغير كربراتير لان جاب اخره + بالنسبه لزيوت الباور والفرامل وفيه زيت تانى كده ده مش عارف بتاع الدبرياج ولا ايه لازم يتغيروا لانى مغيرتش اى زيت من دول والعربيه عامله 300 الف فاكيد لازم يتغيروا ؟!! وفيه حاجه غريبه جدا ظهرت مؤخرآ لما بشغل النور الواطى تانى لفه فى الدراع يعنى العربيه بتتزنق عدد لفات الموتور المؤشر بتاعها ينزل شويه زى ما كون شغلت التكييف فهل ده سببه الدينامو فعلآ ؟!! وعندى صدأ فى الريداتير وعايز اعرف لما انظفه اغير المياه بمياه خضرا اللى فى جركن ولا كانز واخففه بمياه مقطره ولا اعمل ايه بالظبط علشان انا سمعت كلام كتيير فى الموضوع ده ..؟!!

رش العربيه : الحمد لله فبريكه بره وجوه بس طبعا فيها خبطات خفيفه فى الجانبين والكبوت فيه نقر كده حاجات كلها خفيفه بس انا عايز اديها وش نظافه فهل لازم ارش الجنبين والكبوت كله ولا ايه بالظبط وياريت لو حد يعرف حد كويس واتعامل معاه قبل كده يقولى ؟!! وعايز اعرف حد بتاع فيبر كويس علشان فيه كام شكل فى دماغى كده عايز اعملهم لان الاكصدمات عندى فى الضياع والاكصدمات اللى بتصب دى بتبقى كويسه ولا بتتكسر بسهوله ؟!!

ومعلش طولت عليكم وياريت حد يساعدنى علشان انا محتار ومش عارف ابدأ من فين ولا اعمل ايه