|
واجهة سيئة بمعرض أتوماك 2011
حضرت اليوم افتتاح معرض أتوماك 2011 بقاعة المؤتمرات الكبرى بمدينة نصر وكان معى ابنى سامح ثلاثة عشرة عاما تفقدنا جناح شيفورليه و أعجبتنا السيارة الأوبترا الأتوماتيك و أردنا أن نتعرف على طرق الدفع المختلفة فى حالة التقسيط فوجهتنا الفتاة التى كانت بجوار السيارة و التى تقوم بشرح المواصفات الفنية للسيارة الى مسؤل ال sales و ياله من مسؤول فما كدت أسأله عن مقدم السيارة و قيمة القسط حتى رفع راسه لأعلى ووضع يده فى جيبه و أجابنى بطرف أنفه تدفع 70% و الباقى على أقساط قلت له ماشى كم تساوى ال 70% و كم سيكون قيمة القسط و كأنى نطقت بالكفر فاقفهر وجهه وقال لى لأ بقى معلش أذهب لأقرب فرع منك وهم يحسبوها لك و أدار وجهه و أعطانى ظهره فقال لى أبنى هو ليه بيكلمك كده يابابا ؟ هو انت قلت له ايه؟ فقلت له ولا حاجة أنت سمعتنى يا بنى.
أخذت ابنى و انصرفت و قررت ألا أقرب هذه الشركة ولا منتجاتها و الفضل يرجع لهذا الشخص الذى هو أسواء عنوان فى أفضل حدث و الذى أعطانى انطباع لن يزول من نفسى أنا و ابنى على ما يمكن أن نلاقيه لو أننا اشترينا سيارة من هذه الشركة . |
رد: واجهة سيئة بمعرض أتوماك 2011
متزعلش نفسك
ده انسان لا يستحق العمل ( دامت لمين ) |
رد: واجهة سيئة بمعرض أتوماك 2011
للاسف سلوك معيب يؤثر سلبا على التوكيل اللي مشغله هوو امثالة وبيأكلهم عيش
مش عارف يعني مش كفاية بيبيعولنا عربيات زباله باسعار فلكية ويتنكو على الراجل كمان دي مش قلة ادب بس دي قلة فهم وغباء مركز:bb127bc6eab060e3e23 |
رد: واجهة سيئة بمعرض أتوماك 2011
ايوة فعلا داخل التوكيل بتاعهم فى المنصورة عملوا معايا كدة اول مرة بردة واحد بصلى من فوق لتحت وبصلى وماكنش مهتم بيا كانى رايح اشحت منهم وبعدين لما اتصلت بالخط الساخن وسالت باستفاضة اكتر جاوبنى بشكل مريح جدا عن بتاع السيلز وبعد كدة فوجئت انو بيكلمنى اكتر من مرة هوة هوة نفس الشخص عشان اجى اتفق معاهم على القسط وااخد العربية من عندهم بس انا معجبنيش تعاملهم ومشيت وروحت بصراحة للمصرية على الاقل ناس اكتر احتراما
|
رد: واجهة سيئة بمعرض أتوماك 2011
لا حول ولا قوه الا بالله....
|
| الساعة الآن 03:58 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017