مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - قطع غيار JAC B15 (https://www.masrmotors.com/vb/showthread.php?t=96118)

رد: قطع غيار JAC B15

اقتباس:

المشاركة الأصلية كتبت بواسطة mohdyosf (المشاركة 871991)

السلام عليكم واهلاً بكل مالكى البى كلاس
انا محمد يوسف يمكن من اوائل اللى اشتروا البى كلاس فى مصر, انا اشتريتها شهر 5 /2010 وبصراحة وبدون تحيز انا كنت ومازلت معجب بيها جدأ .... هى ما شاء الله عربية ثابتة وفيها كل الكماليات اللى ممكن تحتاجها.... انا شايف العيب الوحيد اللى فيها هو توكيلها .. لكن ما شاء الله شايف برده انكوا بتتغلبوا على المشكلة دى وفعلاً فكرة حلوة جداً ان كل واحد يقابل مشكله فى قطع غيارها ينشرها لأن دى فعلاً الطريقة اللى تخلينا نتغلب على عائق التوكيل
انا مقابل مشكلة حالية فى الكوبلن .. عاوز اغير راس الكوبلن والبهوات فى التوكيل طبعاً بيقولوا ان عندهم الكوبلن على بعضه بـ 1400 جنيه ... انا بشوف دلوقتى ايه اللى يركب عليها وهبلغكوا ان شاء الله لما اوصل لأى حل .. لكن فعلاً بحييكوا على الفكرة الجامدة دى وربنا معانا جميعاً
احب فى الآخر اوجه شكر خاص للاستاذ احمد china و الدكتور كمال لمجهوداتهم الجميلة ومساعداتهم لكل مالكى البى كلاس

صباح الفل عليكم
ياريت تبلغنا بما توصل له لافادة الزملاء ولك جزيل الشكر

رد: قطع غيار JAC B15

السلام عليكم ورحمة الله وبركاته.....
امبارح زى ما قلتلكوا رحت علشان كنت عاوز اغير راس الكوبلن والمساعدين اللى قدام... ويصراحة اتفاجئت...!!!!
ناس كتير جدا سواء فى المنتدى هنا او فى منتديات تانية بتقول ان العفشة عفشة النترا وناس تانية بتقول انها لانسر... ان عاوز اقولوكوا انى حليت العفشة واخدت راس الكوبلن والمساعد علشان اجيب زيهم واتأكدت قبل ما اشترى اى نوع وخلاص.... لكن ملقتش اى نوع يتوافق معاها!!!!!!
راس الكوبلن 25 سنه داخلى و27 سنه خارجى بــ (تيلة) داخلية ومافيش اى راس كوبلن لاى نوع عربية تانية بالمواصفات دى.. وخللى بالكوا كمان ان الكوبلن فيه حساس ال ABS وقليل جدا من الكبالن اللى فى السوق نازله بالحساس .. انما دى مشكلة محلوله لأنك لو لقيت الكوبلن بالمواصفات دى ممكن تشيل ترس الحساس من الكوبلن القديم وتركبة فى الكوبلن الجديد وخلاص علشان لو معملتش كده هتلاقى ان لمبة الABS هتنور على طول فى التابلوه لانها فاهمه ان فى ERROR
بالنسبة للمساعد... المساعد بتاعها بالظبط هو مساعد لانسر بنفس المقاس والارتفاع والطبق لكن.... اماكن التربيط مختلفة تماما ومش ممكن يركب عندنا.... مساعد الالنترا مختلف عنه

المهم انى لقيت حاجه قعلا ممكن تركب.. وهى البطاحة.. واللى اشترتها بطاحة النترا 2006 وهى نفس المقاس اللى فى الجاك ... ومكانش قدامى حل غير انى صلحت الكوبلن - وده علاج مؤقت - واستعدلت المساعد وركبتهم تانى لحد ما ربنا يسهل ونلاقى حل لموضوع قطع الغيلر دى.

عاوز ردكم ... وخصوصا الناس اللى غيرت فعلا قطع غيار.. حد غير قطع الغير بره التوكيل وجابها متوافقة مع ايه....؟؟؟

رد: قطع غيار JAC B15

بصراحه حاجه تحزن ..... عايزين نشوف حل غير التوكيل ده ........ معتقدش حد من الملاك غير كبالن قبل كده .... طب لو بطاحه النتراا 2006 متوافقه أعتقد الكوبلن بتاعها هيكون متوافق كمان وده من كلام ناس كتير فى منتديات خارجيه ان عفشه النترا 2006 متوافقه مع الجاك ...

إحنا فى انتظارك يااستاذ محمد عشان نشوف حل للمشكله دى ..... وربنا معاك ويحفظك ومتشكرين جدا على التواصل ...

رد: قطع غيار JAC B15

اقتباس:

المشاركة الأصلية كتبت بواسطة mohdyosf (المشاركة 874698)

أستاذ محمد .... السلام عليكم
اتصلت النهارده بواحد صاحبى معاه عربيتنا الجاك موديل 2010 ومشغلها اجره مخصوص وهو غير جوز المساعدين الاماميين ب لانسر موديل 2009 وقال إنه غيرهم ومفيش مشاكل حصلت من إللى حضرتك بتقول عليها وقال إنه غيرهم بكل سهوله واتصلت بيك عشان أقولك الساعه 3 والساعه 3.50 تليفونك بيدى جرس ومبيردش .... مشعارف اصدق مين ؟؟... يمكن فى سوء تفاهم حصل معاك فى موضوع المساعدين والكبالن .... أنا مستعد أديلك تليفون صاحبنا عشان تتأكد بنفسك أو تشوف ركبهم إذاى ؟؟؟ مع إنه قال إنه ركبهم بكل سهوله ومفيش مشاكل حصلت معاه ...... فى انتظار الرد من حضرتك ..

رد: قطع غيار JAC B15

ياريت يا دكتور كمال تدينى رقم تليفونه او يقولنا هو غيرهم فين.... وهل عدل فيهم حاجه ولا ركبهم على طول... ويارب يكون الكلام ده ممكن يحصل لانه بجد هيحللنا مشاكل كتير
وعلى فكرة انا حاولت اتصل كتير بمحل قطع الغيار الصينى (دراجون) بس هو مابيردش