|
رد: قطع غيار JAC B15
اهتمام رائع ومعلومات اروع من الأخوة الأفاضل 00 بس أنا كان ليا سؤال بخصوص العفشة وهو امتى اروح للعفشجى علشان أتطمن على عفشة عربيتى وأمتى أبتدى أعرف ان العفشة محتاجة شغل 000 وبخصوص سحب العربية لما يقل شوية عن الأول تبقى المشكلة فين 000 والتكييف لما صوتة يبقى عالى وخارج الهوا ضعيف على أعلى سرعة له 0 هل هى مشكلة فلتر تكييف ولو كانت كدة مكان فلتر التكييف فين ولا مشكلة شحن ولا اية بالظبط 0 اسف على الأطالة وأتمنى الأستفادة للجميع :fun_Meting:
|
رد: قطع غيار JAC B15
الاخ العزيز خالد تحياتى ليك
بالنسبه للعفشه متروحش لحد مادام انت فى الضمان ومع عمل الصيانه الدوريه خليهم يعملوا تربيط مسامير للعفشه فى التوكيل .......ممكن تروح للعفشجى عشان تربط مسامير عفشه لو حسيت إن العفشه سايبه شويه ومعاد الصيانه لسه بدرى عليه .....ومادام العربيه ماشيه كويس معاك متروحش للعفشجى خالص لأن كلهم عايزين يعملوا شغل علينا . عموما سألت ميكانيكى قال إن عفشه لانسر بومه تمشى معاها تمام ... بالنسبه لسحب العربيه محصلش معايا إنه قل والسحب كويس خصوصا بعد ال10 الاف كيلو الاولى ... بالنسبه للتكييف برده كويس معايا ....يمكن انت دوست على زرار غلط فى التكييف .....جرب ودوس على زرار ال auto .....لو المشكله فضلت موجوده ياريت فى اقرب زياره تروح التوكيل لحل هذه المشكله .. عموما العربيه معايا زى الفل وبحس إن من الصعب يعطل فيها حاجه وجودتها عاليه جداا ولذلك من الصعب تلاقى حد غير قطعه غيار بالرغم من وجود السياره معنا اكثر من سنتين دون اعطال تذكر (بالنسبالى كل إللى عملته هو تغيير مكنه طلمبه البنزين ولمبه فانوس امامى فقط حتى الان ) .. خلينا على تواصل وربنا يوفقك |
رد: قطع غيار JAC B15
تحياتى ليك يا دكتور كمال وشكرا جدا على اهتمامك وردك على أستفساراتى 00 بس حضرتك أنا عاوز أعمل كل حاجة برة التوكيل لأنى بصراحة مش شايف ميزة فى التعامل معاهم 0 وتقبل تحياتى :CONGRA~238:
|
رد: قطع غيار JAC B15
عادى جدا ....أى ميكانيكى أو كهربائى بيفهم فى الانسر هيفهم فى الجاك
الكهربائى إللى غيرلى طلمبه البنزين كشف على كل حاجه فى العربيه وقال هى ذى الانسر فى كل حاجه وتركب عليها كل حاجه الانسر بومه |
رد: قطع غيار JAC B15
عزيزى الدكتور كمال 00 أشكرك قبل أى حاجة على اهتمامك وردك على أسئلتى 0 بس أنا كان قصدى من الموضوع دة ان أى مالك من ملاك jac b-class انه يبقى عارف هو محتاج ايه قبل ما يتعامل مع ميكانيكى أو كهربائى وينوبة جانب من الأشتغالات بتاعت الصنايعية 0 و أكيد مش ممكن أى حاجة هتحصل فى العربية هاخدها وأسوق بيها أكتر من 500 كيلومتر للتوكيل واللى كدة أو كدة هدفع عندة أكتر من برة 0 وعلى فكرة يا دكتور كمال العربية بتاعتى عمرها دلوقت 13 شهر وعاملة معايا حوالى 45000 كيلو 0 يعنى أنا أختبرت العربيه فى مواقف كتير وكان سؤالى واستفسارى عن قطع الغيار هو لأفادة للجميع ومنهم أنا 0 شكرا شكر وتقدير
|
| الساعة الآن 05:18 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017