|
سؤال لايمكن تأجيله
السلام عليكم :انا لسة عامل عمرة للعربية عبارة عن (جوان وش سلندر- طقم شنبر- طقم هلايل-طرمبة زيت)يعنى اعتقد نص عمرة ولم يوجد عندى تعتيب او اى مشكلة فى عمود الكرنك ما عدا تغيير الهلايل والعمود راكب مكانه ولا يوجد مشكلة فى البساتم ولا فى الصبابات وتم تركيب جلد لها فقط وتم ضبط ركب عمود الكامة وبعد انتهاء العمرة قلت للميكانيكى المفروض طبعا تحرق صفحتين بنزين وهى واقفة ؟ قالى لا عادى ممكن تمشى بيها من غير تليين على الواقف بس لا تتجاوز 60 يعنى الغيار الرابع الى ان اتم 1000 كيلو فطبعا انا اعترضت على موضوع عدم التليين على الواقف ولكنه اصر بثقة ان دا شغله وهو مش معقول هيبوظ شغله فقمت بتشغيلها هناك على الواقف حوالى نصف ساعة لكى اطمئن على الموتور ومشيت بيها حوالى 10 كيلو حتى ذهبت المنزل والسؤال لخبراء المنتدى هل كلام الميكانيكى صحيح بالنسبة لعدم التليين على الواقف لانى بصراحة مش مقتنع واول مرة اعمل عمرة؟ والسؤال التانى والاهم : هل بعد ما مشيت بالعربية 10 كيلو ارجع تانى اعملها تليين على الواقف حتى احرق صفيحة مثلا ثم امشى بها 1000 كيلو بتوع التفتيح / معلش انا سؤالى مقدمته طويلة ولكنى اتعشم ان اجد اراء الخبراء والفرق بين تليين العمرة الكاملة والنصف عمرة وشكرا
|
رد: سؤال لايمكن تأجيله
راى ان الميكانيكى غلطان
وكان مفروض تلين على الواقف صفيحة مثلا وبيكون فاتح الصبابات شوية وكمان ما يكنش مركب وصلة الشكمان وانت واقف كل شوية تزود مية عشان العربية ما تسخنش التليين يكون باليل وبعدين تاخد مشوار 100كم على سرعة لا تتعدى 60كم/ساعة وبعدين تروح للميكانيكى يحرق على وش السلندر وتغير زيت وفلتر وبعدها تمشى عادى اية بقى اللى الميكانيكى عاملة دة مش عارف والله اول مرة اسمع ان بعد طقم الشنبر نمشى على طول انا بعتبر دة استهتار مش ثقة فى شغلة |
رد: سؤال لايمكن تأجيله
اشكر حضرتك وهو فعلا قالى اجيله بعد كام يوم علشان يحرق على وش السلندر بس الحل ايه دلوقتى بعد ما مشيت بيها 10 كيلو من غير تليين على الواقف ؟ منتظر ردود باقى الخبراء
|
رد: سؤال لايمكن تأجيله
منتظر باقى الاراء
|
رد: سؤال لايمكن تأجيله
الحقيقه كلام الميكانيكى صحيح ولكننا نفضل التلين على الواقف نظرا لعدم تحكم السائق فى السرعه اثناء السير بها وفى الحالتين السياره تعمل والمهم هو عدم ضغط البنزين بقوه زائده فاذا استطعت التحكم فى السرعه التى لا تتعدى 60 كيلو فلا هناك اى مشكله ومبروك التجديد والله يوفقك
|
| الساعة الآن 05:00 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017