مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   سوبارو Subaru (https://www.masrmotors.com/vb/forumdisplay.php?f=35)
-   -   استفسار مهم ل Subaro Impriza 2011 (https://www.masrmotors.com/vb/showthread.php?t=151149)

matrixlover 20-04-2017 03:53 PM

استفسار مهم ل Subaro Impriza 2011
 
السلام عليكم

عندى استفساارات بالنسبة لسوبارو :

1-اولا هل قطع غيارها غالية وله لا ومحتاج اعرف الاسعار؟
2- قدامى عربية عاملة 130000 الف كيلو وبفكر اشتريها ومعروضة على 147000 الف هل كده وحشة وله لا مع العلم انه قالى فيه حاجة اسمها " اويل سيل علبة دريكسيون " بتجيب زيت وغيرها بره التوكيل ولو اتسابت مش اتعملت ايه اضرارها ووظيفتها ايه مع العلم ان الراجل مامانعش انى اكشف فى التوكيل وكان صريح رش اكصدامين والجزء اليمين اللى وراء التانك والشنطة بتعلق بسيط مش بتقفل من اول مرة لازم تترزع ومع العلم لو الكشف طلع فيه حاجات هخصمها من الثمن ؟

افيدونى بالله عليكم علشان الواحد مش يدبس بحكم خبرتكم منتظر ردودكم

AbOnOrA 20-04-2017 07:39 PM

رد: استفسار مهم ل Subaro Impriza 2011
 
وعليكم السلام ورحمة الله وبركاتة

السوبارو عربية محترمة بس حظها وحش فى مصر وبالتالى انتشارها قليل وقطع غيارها غالية وصيانتها بره التوكيل صعبة شوية وعايزة متخصص خاصة لو حاجة فى المكنة او عفشتها
بالنسبة للسعر لموديل 2011 معقول للاسعار بتاعة اليومين دول بس برضو السوبارو عربية واحد غاوى لو مش فارقة معاك الموتور البوكسر والدفع الرباعى والبراند اليابانى خليك فى الخيارات الشعبية اوفر

matrixlover 20-04-2017 08:50 PM

رد: استفسار مهم ل Subaro Impriza 2011
 
اقتباس:

المشاركة الأصلية كتبت بواسطة AbOnOrA (المشاركة 1083628)
وعليكم السلام ورحمة الله وبركاتة

السوبارو عربية محترمة بس حظها وحش فى مصر وبالتالى انتشارها قليل وقطع غيارها غالية وصيانتها بره التوكيل صعبة شوية وعايزة متخصص خاصة لو حاجة فى المكنة او عفشتها
بالنسبة للسعر لموديل 2011 معقول للاسعار بتاعة اليومين دول بس برضو السوبارو عربية واحد غاوى لو مش فارقة معاك الموتور البوكسر والدفع الرباعى والبراند اليابانى خليك فى الخيارات الشعبية اوفر

اولا متشكر لردك السريع
ثانيا انا بدور على حاجة تستحمل لانى همشى بيها كتير وفى نفس الوقت مش عايز حاجة تفتح بوقها وتقرفنى عايز حاجة تعيش وعندى مبدا الغالى تمنه فيه خاصة لو حاجة حمالة قاسية كل الباقى غالى على الفاضى واعطاله كتير وكمان ومنهم اللى محتاج عمرة وكده بعد 160000 الف
ثالثا معلش يمكن نسيت تجاوبنى على الجزء بتاع الاويل سيل والجزء بتاع الرش ده بتاع الاكصيدام والجزء اليمين وتعليقة الشنطة هل ممكن تكون عاملة حادثة لقدر الله او فيه حاجة خفية لانى بصراحة مش عايز البس وخاصة لو مستعمل .... مستنى ردك

AbOnOrA 21-04-2017 06:58 AM

رد: استفسار مهم ل Subaro Impriza 2011
 
اقتباس:

المشاركة الأصلية كتبت بواسطة matrixlover (المشاركة 1083635)
اولا متشكر لردك السريع
ثانيا انا بدور على حاجة تستحمل لانى همشى بيها كتير وفى نفس الوقت مش عايز حاجة تفتح بوقها وتقرفنى عايز حاجة تعيش وعندى مبدا الغالى تمنه فيه خاصة لو حاجة حمالة قاسية كل الباقى غالى على الفاضى واعطاله كتير وكمان ومنهم اللى محتاج عمرة وكده بعد 160000 الف
ثالثا معلش يمكن نسيت تجاوبنى على الجزء بتاع الاويل سيل والجزء بتاع الرش ده بتاع الاكصيدام والجزء اليمين وتعليقة الشنطة هل ممكن تكون عاملة حادثة لقدر الله او فيه حاجة خفية لانى بصراحة مش عايز البس وخاصة لو مستعمل .... مستنى ردك

اولا لا شكر على واجب وانت نورت مصر موتورز ROSE4U

ثانيا .. عايز عربية حمالة اسية ومصروفها على قد الايد وتمنها فيها يبقى عندك فى الرينج ده الاختيارات التالية

- هيونداى النترا الشكل القديم .. موفره فى البنزين ومبتصرفش حاجة غير زيت وتيل قطع غيار متوفرة واسعارها معقولة وماسكة سعر

- تويوتا كرولا الشكل القديم .. نفس الكلام

- متسوبيشى لانسر بومة - نفس الكلام

- دايهاتسو تريوس .. نفس الكلام بالاضافة للارتفاع عن الارض وبالاضافة للمساحة الداخلية اللى مع ثنى الكنبة الخلفية والشنطة الخلفية بقى معاك عربية نص نقل

ديه الاختيارات العملية 100%

الاختيارات الاقل عملية وفيها تضحيه بس فى مقابل متعة قيادة اكتر

السوبارو .. لمتعة الدفع الرباعى ومحرك البوكسر وان كان المواتير اللى بتنزل كلها ضعيفة

الهوندا سيفيك .. متعة القيادة والثبات

المازدا - وديه فى رائى افضلهم كحل وسط بين العملى والاقتصادى

AbOnOrA 21-04-2017 07:02 AM

رد: استفسار مهم ل Subaro Impriza 2011
 
اما ثالثا موضوع الاويل سيل ده ان صح التشخيص يتعمل طبعا بس السؤال لو هو سهل صاحبها ليه معملهاش ويسهل بيعتها ... ؟؟

الخوف ان التشخيص غلط وتعمل الاويل سيل وتلاقي الزيت جاى من حته تانية فتضطر تخش فى تغيير باور كامل او طلمبة او غيره على حسب مكان تسريب الزيت

اما موضوع الرش فمن ناحية بنعتبر سمكرة الجناب مش عيب جوهرى فى العربية طالما الاساسيات ( دواخل شنطة وحوض وقوايم وعتب ) سلام ومفيهومش حاجة

لكن موضوع عاملة حادثة او لاء ديه حاجة مقدرش انا ولا اى حد يفتى فيها الا بالكشف والمعاينة وديه حاجة ممكن تعملها فى مراكز فحص او سمكرة ودهان كتير وتعرف اساس العربية ايه


الساعة الآن 12:19 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017