مصر موتورز مجتمع السيارات - تصفيح السيارات؟؟؟؟؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - تصفيح السيارات؟؟؟؟؟؟؟؟؟؟ (https://www.masrmotors.com/vb/showthread.php?t=18170)

رد: تصفيح السيارات؟؟؟؟؟؟؟؟؟؟

اقتباس:

المشاركة الأصلية كتبت بواسطة dego_story (المشاركة 186793)

الحمد لله ياستاذ خالد انك مالكش تار او حد عايزة منك بس جمعيه ايه وترهن ايه بس دى اقل واحدة معدية اووووى يافندم بتلعب فى الملايين الدولارات حاجة تغيظ بجد ptmnlo123per111 بس ياباشا مافيش حاجة تغلى عليك شوف انت بس عايزها امتى واحنا نعملك شغل زى دا واجمد فى النيسان بتاعت حضرتك :waving: ولا تقولى مرسيدس بقى ولا حاجة نوررررت الموضوع ياستاذ خالد ....

ياباشا الدنيا منورة بيك
انا بفكر اعمل موضوع التصفيح ده اجيب كمرتين حديد حرف اتش 16 من اللى بيمشى عليهم القطار واقطعهم واحط حتتين مكان الاكصدامين و2 على الجوانب بطول العربية وامشى اخبط وارزع فى خلق الله واللى اخبطه يبقى ياويله ياسواد ليله واللى يخبطنى كأنه دخل فى قطار 4 وربع العصر بتاع الصعيد ههههههههههه

وبعدين ايه يعنى بتلعب فى ملايين الدولارات احنا محدش يهددنا
ثم انا راجل تاجر وبلعب فى

حوالى 3 او 4

:
:
:
:
:
:
:
:
:
:
جنيـــــه
ثم انا ممكن اعمل جمعيه ب500 جنيه فى الشهر على 9000 شهر واقبضها الاول واجيب العربية واخلع من البلد
نتكلم جد بقى هل ممكن النيسان الصنى يتعمل لها تصفيح والا انت بتهزر ؟؟؟ وانا مش عايز حاجة ضد الرصاص والكلام ده انا عايز حمايات للعربية لانى بدخل الصحرا كتير ومشغلها ولا الجيب اللاند كروز وطبعا كل شوية اكصدام مكسور خربشة فى البوية كده يعنى فانا عايز احميها من كل ده ياريت تفيدنى
وتقوللى على التكاليف

رد: تصفيح السيارات؟؟؟؟؟؟؟؟؟؟

بص ياباشا ربنا يباركلك ان شاء الله فى ال3 او ال4 جنيه ويبقو ملايين المهم هو اولا عشان تبقى عارف انت تقدر تعمل اى حاجة فى اى عربية بس شرط التكاليف وانا دلوقتى اللى اقدر اقولهوك المتاح يعنى وتعمله ومش مكلف موضوع تصفيح الكاوتش ودا بيحميه اكتر من الكاوتش العادى وكمان فى دعمات وتقويه للصاج بص انا ان شاء الله فى اقرب وقت ههحاول اجبيلك اسعار البدايه للحاجات دى بس طبعا مش هتكون زى المرسيدسptmnlo123per1127 عشان الناس دى معقدها شويه وان شاء الله بردو اى عضو هيقدر يفيدك اكيد هيرد عليك فى الموضوع دا وبردو انتظر منى رد بالتفاصيل او الحاجات الصغيرة اللى على قدنا يعنى وشكرررررررررررررررررررررر رررر.:waving:

رد: تصفيح السيارات؟؟؟؟؟؟؟؟؟؟

بس على فكرة المرور رخم اوى فى الموضوع دا يعنى دا ممكن يقف معاك على الاكصدام ويقولك مخالف وربنا يسهل ان شاء الله ..

رد: تصفيح السيارات؟؟؟؟؟؟؟؟؟؟

مهو انا برضه مش عايز ابوظ المنظر العام للنيسان يعنى لو اكسدام حديد ممكن يبقى مثلا مكان الفايب اللى ورا الكاوتش يعنى بين الاكصدام وجسم العربية انا مش عايز أأذى الناس لانى هروح من ربنا فين يوم القيامة لكن عايز احمى عربيتى لكن من برره ممكن اى حليه نيكل تحمي العربية من الخربشة فى الاكصدام ولو حد عنده فكرة للحماية من مسامير العفاريت الصغيرين وخاصة ان حوالين البيت اكتر من10 مدارس وجوانب العربية اتشوهت بسبب مسامير العفاريت دى

رد: تصفيح السيارات؟؟؟؟؟؟؟؟؟؟

جاااااااااااااااااامد ... موضوع رائع ...