|
اللى بيحصل فى العربية ده طبيعى
http://farm3.static.flickr.com/2277/...0046d8f4_o.gif رابطة ال byd انتو عارفين إنى إشتريت f3 من حوالى أسبوع وليا 3 تعليقات عاوز أسأل فيهم أول واهم حاجة فيهم صوت الموتور عالى يعنى لو مدور وواقف برا العربية 5 متر اسمعه تانى حاجة بعد لما أنقل على الغيار التانى بحس إنى لازم أفضل دايس دبرياج لغاية مطلع شارع رئيسى لأنى لو ما دوستش بتجرى جدا تالت حاجة انا حسبت إستهلاكها جوا البلد _ السويس رايقة جدا ومفيش زحمة ولا وقفة زى القاهرة لقيت إنها إستهلكت فى الصفيحة 200 كيلو بالظبط أن حسيت بالملحوظة التالتة دى لأنى كان معايا ماروتى وكانت بتعمل فى الصفيحة 340 كيلو مع إنها مش إنجكشن وعارف إن دى 1600 بس المفروض الرشاشات ليها دور كبير فى الترشيد يا ريت الإفادة |
رد: اللى بيحصل فى العربية ده طبيعى
صوت الماتور عيب طبعا خاصة بعد خمسة متر ( وفى موضوع الدبرياج ) مش وحش وخليك على الاٌقل افضل وموضوع البنزين واحد لتر يساوى عشرة كيلو عالى جدا على ماتور 1600 دا فيه ناس عندها عربيات مثل الجيب الشروكى القديمة مش بتستهلك كده خالص
|
رد: اللى بيحصل فى العربية ده طبيعى
اقتباس:
بارك الله فيك ابو سلمى على ردك على كل حاجة بالموضوع كده إن شاء الله هروح التوكيل على 1000 كيلو وهقولهم على موضوع البنزين لان ده يعتبر أهم حاجة شكرا جزيلا لردك |
رد: اللى بيحصل فى العربية ده طبيعى
اهلا بيك وبكل الاعضاء
ازاى سيادتك بتقارن بين موتور البى واى دى وموتور الماروتى ؟؟؟؟؟؟ 1600 و800 سى سى طبعا الاستهلاك الضعف وبما ان سيادتك بتقول انك كنت بتستهلك بالماروتى اقل 160 كيلو اذا البى واى دى اقل استهلاكا والموتور 1600 سى سى 108 حصان وبستم كبير وموتور زى الوحش قوى جدا لا يقارن باللعبه الهنديه الماروتى الاستهلاك عادى يا باشا واقل مما ينبغى بس الريحه اللى فى السويس من غازات وخلافه بتسد فلاتر الهوا برجاء تنظيفه او تغييره علشان الاستهلاك يقل وتوجد اكثر من 28 ملحوظه لتجنب استهلاك الوقود يمكنك كتابه (اسباب زياده استهلاك البنزين على جوجل وهتلاقى عوامل كتير يمكنك تجنبها واهمها طريقه القياده والف مبروك يا باشا وعقبال ما الاستهلاك يقل معاك وبرضه قارن بسيارات اخرى نفس القدره والحصان |
رد: اللى بيحصل فى العربية ده طبيعى
شكرا يا أستاذ عماد للمشاركة لكن حضرتك فهمت غلط انا مقلتش ان الماروتى بتستهلك اكتر هى بالعكس بتمشينى 140 كيلو زيادة فى الصفيحة وبردو عارف الفرق بين ال 800 وال1600 لكن العربية إستهلاكها زيادة فى البنزين فى مثيلاتها وبإذن الله بكرة صيانة الألف وهقولهم عالحكاية دى وربنا يسهل شكرا لمرورك وردك مرة تانية |
| الساعة الآن 12:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017