مصر موتورز مجتمع السيارات - الكروز احسن من السيراتو بالدليل

فيه سؤال حير ناس كتير مقبلة عالشراء مين الاحسن الشيفروليه كروز
ولا الكيا سيراتو هنقسم الموضوع لكذا جزئية

1-الشكل الخارجى

العربيتين جمال بس برده الموضوع اذواق السيراتو شكلها يوحى بالقوة و السرعة اما الكروز فهو شكل هجومى فوانيس الكروز الامامية احسن لان تصميمها هجومى ايضا الفوانيس كبيرة مما يعطى مجال رؤية احسن للسائق الكروز فوانيسها الخلفية اجمل قريبة اللى حد ما من فوانيس السيفيك السيراتو الفوانيس الخلفيه تشبه فوانيس الالنترا الى حد ما

2-ناقل الحركة

الفتيس فى الكروز 6 سرعات مقابل 4 للسيراتو ممايعنى تجميع سرعات افضل وراحة للموتور و توفير استهلاك البنزين لصالح الكروز

الفتيس متطور اكتر فى الكروز

3-قوة الصاج

طبعا العربيتين ساجهم قوى يعنى مش زى الفيرنا مثلا انما نعرف منين مين اقوى

الكروز واخدة 5 نجوم فى اختبارات السلامة الاوروبية و بذلك فهى كقوة صاج تعادل الفولكس و البى ام و المرسيدس

http://www.youtube.com/watch?v=x7gNM...ayer_embedded#!

http://www.euroncap.com/results/chev.../2009/376.aspx

السيراتو ملقتليهاش اختبار عالنت بس الكارينز اختها واخدة 4 نجوم فى اختبارات السلامة الاوروبية و كان فيه اعضاء هنا بيقولو ان السيراتو واخدة 4 نجوم

http://www.euroncap.com/tests/kia_carens_2007/291.aspx

اذن فالكروز صاجها اقوى من السيراتو

------------------------------------

4-التسارع و قوة الموتور

الكروز 107 حصان صافى بينما السيراتو 124 حصان

مع عدم ثقتى فى الارقام الكورية

السيراتو احسن من الكروز كتسارع و مع ذلك فان الكروز ليست بطيئة فمعدل تسارعها

من 0 : 100 = 12.4 ثانية

5-الثبات و هذا عن تجربة شخصية للعربيتين

السيراتو ثابتة و متماسكة لغاية ال120 بعد كده الثبات بيقل نسبيا و بعد ال150 بيقل جدا غير ان صوت الموتور بيعلى جدا انا عن نفسى كنت قلقان جدا من صوت الموتور العالى بطريقة مزعجة بس طمنت نفسى ان العربية فيها ايرباج

الكروز ثباتها ليه حكاية معايا هى عربيةواحد قريبى وانا اللى سايق وراجعين من عالكورنيش الساعة 3 الصبح والطريق فاضى لقيت المرسيدس اس كلاس فقولت اشد معاه انا طبيعتى فالسواقة انى ببص قدامى مش عالعداد المهم الازاز مقفول واتفجات انى ماشى عال180
طبعا انا مبحبش السرعات العالية فرحت مقلل السرعة على مراحل

بس اللى عجبنى ان العربية ثابتة جدا يعنى عال180 كانها عال100
و طبعا عزل الصوت ممتاز

اذن الكروز اكثر ثباتا من السيراتو

6-الشكل الداخلى (الطابلوه)

السيراتو

http://www.youtube.com/watch?v=gi_zaWaTa94

الكروز

http://www.youtube.com/watch?v=QbRcb7F51d0

الكروز فى رايى الطابلوه بتاعها شبابى و متناسق اكتر

7-صندوق الامتعة (الشنطة)

الكروز450 لتر مقابل 415 ليتر للسيراتو

http://www.youtube.com/watch?v=K_aXZDmJSMc

الكروز شنطتها اكبر من السيراتو

8-العربية بتنافس مين

السيراتو بتنافس الالنترا

الكروز بتنافس التويوتا كورولا و جنرال موتورز منزلاها اساسا عشان تضرب مبيعات الكورول
http://www.youtube.com/watch?v=tRxvDPOrTzA

ملحوظة الكروز اعلى فئة ب150 الف والكورولا اعلى فئة ب160 الف معا العلم ان الكورولا تزيد مثبت سرعة و فوانيس زينون وفيها 9 ابرباج يعنى ال10 تلاف جنيه زيادة عشان فرق ا الكماليات مش اللى يقولك الكروز بتنافس الالنترا!!!!!

9-السعر
السيراتو تبدا من 96000 للمنوال لغاية 126 للاوتوماتيك

الكروز تبدا من 111000 للمنوال لغاية 140 للاوتوماتيك توب لاين
10-اخيرا انا دورت على كتالوج للكيا سيراتو عالنت ملقتش بس لقيت كتالوج الكروز قلط احطه للافادة

http://www.2shared.com/file/7733061/...il_20.html?s=1

الموضوع من مجهودى الشخصى و
ارجو ان ينال الموضوع اعجابكم