مصر موتورز مجتمع السيارات - المفيد فى عزل السياره الآكيد بالصور

موضوع العزل او تكتيم السياره يعتبر من اهم المواضيع اللى كتبتها وناس كتيرطلبته منى وانا اتأخرت فيه شويه

بس ده لأنه موضوع مهم وكان لازم اعده اعداد جيد ليخرج بالصوره اللتى اتمنى ان تفيد كل من يقرأه

المهم

نبدا موضوعنا

بسم الله

ايه اكتر حاجه بتفرق بين سياره وأخرى غير ارقام الآداء ؟

جودة عزلها

يعنى ايه ؟

يعنى لو فرضنا انك روحت مشوار بسياره مرسيدس

وروحت نفس المشوار بسياره شاهين ( مثلاٌ )

هل احساسك بالطريق و الأصوات ودرجة الحراره هتبقى زى بعض ولا فى اختلاف ؟

اكيد فى اختلاف

المرسيدس هتسمع فيها صوت الهدوء حتى مع المطبات ومش هتحس بحرارة الجو

اما فى الشاهين هتحس انك راكب منخل وماسك فى ايدك شخشيخه و انت قاعد فى فرن بلدى

وهو ده فرق العزل

علشان كده هنحاول مع بعض نرفع مستوى عزل عربياتنا من مستوى ( السيارات ال ---- ) الى مستوى ( السيارات الآلمانى )

بسم الله

لما نيجى نبداء فى عزل اى سياره لازم نشتغل فى اتجاهين

1 العزل الخارجى

( تربيط عفشه - مراجعة الشكمان - تربيط مفصلات و كوالين الشنطه والكبوت - رش فجاواى وعتب السياره بالبلاك السائل )

2 العزل الداخلى

( تربيط مفصلات وكوالين الأبواب - عزل الأبواب بالارمافلكس - عزل ارضية وأجناب السياره بالارمافلكس - عزل التابلوه - حقن فوم سائل وجاف فى جميع فراغات صاج السياره )

كده احنا خلصنا الجزئ النظرى فى موضعنا

نخش بقى على الجزء العملى

بسم الله

الخامات اللى هنحتاجها بالترتيب

1 الفوم السائل

بنجيبه من محل بيع مستلزمات صيانة التلاجات تصنيع هولاندى او سويدى الأنبوبه ب 40 جنيه وبنحتاج اربع انابيب للسياره

ودى صورته

http://i757.photobucket.com/albums/x...-02-23-031.jpg

2 الفوم الجاف

وده اللى بيبقى فى ابواب التلاجات وبنجيبه من اى حد بيبيع مستلزمات تصليح التلاجات اللوح ب 20 جنيه تقريباٌ او من اى باب تلاجه قديمه ببلاش

ودى صورته

http://i757.photobucket.com/albums/x...0111220555.jpg

3 البلاك الرش الأيطالى

وده بنجيبه من محل مستلزمات بويات السيارات الأنبوبه ب 25 جنيه وهنحتاج انبوبتين للسياره

ودى صورته

http://i757.photobucket.com/albums/x...0111220590.jpg

4 البلاك اللصق الأيطالى

وده بنجيبه من محلات مستلزمات بويات السيارات الفرخ ب 50 جنيه

http://i757.photobucket.com/albums/x...0111220561.jpg

5 بكرة لاصق ابيض ورقى عريض

من عند محلات بويات السيارات هنحتاج بكره بخمسه جنيه

6 الارما فليكس

وده بنجيبه من محلات بيع قطع غيار التلاجات وده بيستخدم فى عزل غرف التبريد الكبيره لتلاجات الفاكهه والخضار وده بيبقى تخانات مختلفه ( 2 , 4 , 6 )مم وطبعاٌ كل تخانه ليها سعر هنشتغل بتخانة 4 مم ودى سعر المتر فى متر 17 جنيه

معانا ادواتنا نبداء الشغل بقى

العزل الخارجى

1 تربيط العفشه

طبعاٌ العفشه تكون سليمه فى الأساس ( ميبقاش فيها مساعد ضارب ولا جلبه مبوشه ) لأن الحاجات دى اكيد هتعمل اصوات مستديمه احنا فى غنا عنها

هنروح اى مركز صيانه نرفع العربيه ونمر على كل مسمار فى بطن العربيه ونربطه كويس

على فكره الصوره دى فى مركز الباشمهندس اسلام زميلنا فى المنتدى بالمنصوره

http://i757.photobucket.com/albums/x...0120108773.jpg

بعد التربيط هنمر على كل مفصلات العفشه الكاوتش ونرشها زيت لتليين العفشه

2 الشكمان

والعربيه مرفوعه هنمسك الشكمان بأيدنا وهو بارد وهنهزه فى حدود حركته الى يمين ويسار وكمان الى الامام والخلف

http://i757.photobucket.com/albums/x...0120108770.jpg

المفروض ميخبطش فى اى حاجه وميعملش صوت كمان طبعاٌ لو فيه اى مصدر صوت بنحدد مصدره ونعالجه

3 تزبيط الشنطه

هنيجى للشنطه ونفتحها ونقفله تانى المفروض يكون صوت قفلتها مكتوم طيب لو بتشخشخ نعمل ايه ؟

1 هنفك النمره ونلزقها من ورا بدبل فيس ونربطها تانى كويس

2 هنزيت كالون الشنطه ومفصلاتها واسياخها

3 للشنطه صدادات كاوتش بتحدد قفلت الشنطه بنظبط ارتفاعها لأنها بتبقى لازقه
غطاء الشنطه فى جسم السياره عند غلق الشنطه ودى اهم حاجه فى زبطة الشنطه

4 هنحقن فراغ الشنطه اللى بين الصاج الداخلى والخارجى بفوم سائل

http://i757.photobucket.com/albums/x...0111222617.jpg

4 تزبيط الكابوت

1 هنزيت مفصالات وكالون الكابوت

2 هنعيد على رباط الشبكه

3 هنزبط صدادات الكابوت الكاوتش انه يقفل مكتوم وفى نفس الوقت يكون ملاصق
ليهم ويكون ماشى مع اعلى نقطه من الرفرفين

http://i757.photobucket.com/albums/x...0111222613.jpg

4 هنفك اللباد الأسود الخاص بالكابوت ( اللى معندوش يشتريه من اى تاجر استعمال ويركبه ) ونحقن فراغات عضم الكابوت بالفوم السائل

مع مراعاة رفع الكابوت على خشبه من نصفه بالظبط قبل الحقن علشان ميتفتلش

http://i757.photobucket.com/albums/x...0111220583.jpg

5 رش الفجاوى وعتب السياره

هنغسل العربيه من تحت غسله كويسه اوى وبعدين وهى جافه
هنروح لأى بوهيجى ونرفع العربيه بعد ما نحل الأربع فرد
وهنسنفر باطن الفجاوى الأربعه بسنفره خشنه ونضفهم كويس اوى

http://i757.photobucket.com/albums/x...0111220566.jpg

هنلصق اجناب ووش العربيه بالجرايد علشان مياخدوش دهان

http://i757.photobucket.com/albums/x...0111220582.jpg

هنلزق اجزاء العفشه من جوه بالجرايد برده علشان متاخدش دهان

http://i757.photobucket.com/albums/x...0111220585.jpg

هنجيب خرطوشة البلاك الرش الأيطالى ونركبها على مسدس البوهيجى ونرش الفجاوى والعتب من تحت للسياره اجمالاٌ طبقه تقيله وبعدين نسيبها تجف
بعد ما تجف نرش طبقه تانيه تقيله ونتركها تجف غالباٌ هتبيتها عند البوهيجى علشان الرش يعضم قبل ما تحرك العربيه

http://i757.photobucket.com/albums/x...0111220588.jpg

[SIZE="5"]
طبعاٌ كل ما سبق مينفعش يكون فى وجود اى بارومه فى بطن العربيه ( ولو موجوده ننضفها اول )

وبكده نكون خلصنا الجزء الأول العزل الخارجى فى السياره

نبدأ الجزء التانى

بسم الله

العزل الداخلى

هنبدأ ب

1 الأبواب

هنحل فروشات الأربع ابواب ونعين حاجة كل باب فى كيس لوحده

هنزيت كوالين البواب والأسياخ والمقابض من جوه
[/SIZE]

http://i757.photobucket.com/albums/x...0111220568.jpg

هنجيب فرخ البلاك اللاصق و نقطعه اربع شرايح

http://i757.photobucket.com/albums/x...0111220562.jpg

http://i757.photobucket.com/albums/x...0111220563.jpg

هنسخن الفرخ والباب قبل اللصق ب سشوار ساخن

http://i757.photobucket.com/albums/x...0111220574.jpg

هنلزق شرائح البلاك عل صاج الأبواب الخارجى من الداخل

http://i757.photobucket.com/albums/x...0111220573.jpg

واحنا بنلزق نراعى ان تكون الشريحه الملزوقه فى منتصف الفراغ الموجود فى الباب

بعد كده هنسنفر النص السفلى من الأبواب وننضفه كويس بمسدس هواء

ونجيب البلاك الرش ونركب الخرطوشه على مسدس البوهيجى ونرش النص السفلى
من الأبواب طبقه خفيفه ونتركه لما يجف

بعد ما يجف نرشه طبقه تانيه خفيفه برضه

بعد كده هنجيب سيخ رفيع ونسلك مجارى خروج الماء فى كل باب ثلاثه ننضفهم
كويس

http://i757.photobucket.com/albums/x...0111220579.jpg

http://i757.photobucket.com/albums/x...0111220581.jpg

بعد البلاك ما ينشف تانى يوم

هنقفل الأبواب

طبعاٌ احنا شيلنا الفروخ البلاستيك البيضاء المبطنه للأبواب اول ما فكينا الفروشات
هنستبدل الفروخ البلاستيك دى بفروخ ارما فليكس

(( ال أرما فليكس بيكتم صوت قفلة الباب و بيمنع وصول اصوات الشارع و بيحسن صوت سماعات الأبواب و بيريح تكييف العربيه لأنه بيمنع خروج الهواء البارد من جوه لبره وبيمنع دخول الهواء الساخن من بره لجوه )) كله مميزات

بعد ما نفصل ال أرما فليكس على الأبواب ونفتح للمقابض والسماعات

http://i757.photobucket.com/albums/x...0111222626.jpg

http://i757.photobucket.com/albums/x...-02-14-003.jpg

نلصقه على صاج الأبواب

http://i757.photobucket.com/albums/x...0111222642.jpg

http://i757.photobucket.com/albums/x...0111222630.jpg

http://i757.photobucket.com/albums/x...-02-15-004.jpg

بعد كده

هنجيب الفروشات نفسها

ونلزق عليها فضل الأرما فليكس نوزعها على فوارغ فرش الباب

http://i757.photobucket.com/albums/x...0120111812.jpg

هنقفل فروشات الأبواب كما كانت

ثم

هنيجى على صابع كل باب اللى السقاطه بتقفل عليه

http://i757.photobucket.com/albums/x...0120130976.jpg

ونلف عليه شيكرتون ( لفتين كفايه )

http://i757.photobucket.com/albums/x...0120130977.jpg

ودى كفيله انها تكتم قفلة الباب كمان

وكده الأبواب خلصت

معاكم ابواب مرسيدس AMG دلوقتى

اللى بعده

2 عزل آوايم وعتب السياره

هنحل الكنبه اللى ورا ضهر وقاعده

هنشيل فرش الشنطه ونفضيها بالكامل

هنحل فبر العربيه بالكامل ( شنطه وآوايم وعتب )

http://i757.photobucket.com/albums/x...-02-23-028.jpg

http://i757.photobucket.com/albums/x...-02-23-027.jpg

هنجيب ال أرما فليكس ونقطعه شرايح ونلصقه على صاج السياره من الداخل بالكامل مع مراعاة التوزيع الجيد

http://i757.photobucket.com/albums/x...0120113825.jpg

http://i757.photobucket.com/albums/x...0120113827.jpg

بعد كده

هنلبس فى ايدينا جونتيات تقيله اوى من بتاعت العمال مش من بتاعت الدكاتره قبل ما نستخدم الفوم السائل

ليه ؟؟

علشان ده كان شكل ايدى لما ما ستخدمتش الجونتى بعد جميع محاولات الغسيل بجميع انواع المنظفات من الصابون وصولاٌ الى التنر

http://i757.photobucket.com/albums/x...0120114830.jpg

هنجيب انابيب الفوم السائل ونحقنها داخل فراغات الصاج للعربيه اجمالاٌ ( آوايم , عتب , دعامات , بين التانك وجسم العربيه )

طبعاٌ نحقن بكميات معقوله لأن الفوم لما بيجى يجف بيتمدد الى اربع اضعاف حجمه وهو سائل لذلك وجب ان نعطيه مساحه للتحرك

وكل ما نخلص جزء نلصق جميع فتحاته ببكرة الشريط اللاصق البيض الورقى

http://i757.photobucket.com/albums/x...-02-23-038.jpg

http://i757.photobucket.com/albums/x...-02-23-039.jpg

http://i757.photobucket.com/albums/x...0120113821.jpg

http://i757.photobucket.com/albums/x...0120113823.jpg

بعد كده

هنجيب الفوم الجاف ونقطعه قطع مناسبه لحجم الفراغات الموجود بين عضم السياره من الداخل ورفارف السياره من الخارج ( بتركب كبس )

http://i757.photobucket.com/albums/x...0111220548.jpg

http://i757.photobucket.com/albums/x...0111220550.jpg

http://i757.photobucket.com/albums/x...0120113824.jpg

http://i757.photobucket.com/albums/x...0111220538.jpg

http://i757.photobucket.com/albums/x...0111220539.jpg

http://i757.photobucket.com/albums/x...0120113825.jpg

http://i757.photobucket.com/albums/x...0120113827.jpg

بعد كده هنجيب كل الفيبر اللى حليناه ( آوايم , عتب , شنطه ) ونلزق عليه شرايح ارما فليكس كبطانه من الداخل

http://i757.photobucket.com/albums/x...-02-23-040.jpg

هنعيد تقفيل كل ما فكيناه تانى كما كان

وبكده نبقى خلصنا الصالون

فاضل ايه ؟؟؟

3 التابلوه

هنحل التابلوه حته حته مع بعض

الاول هنشد الفبره اللى تحت التابلوه لبره

http://i757.photobucket.com/albums/x...hanayem/12.jpg

هنلاقى تحتها مسمارين ماسكين وحدة مفاتيح التكييف هنفكهم

http://i757.photobucket.com/albums/x...hanayem/13.jpg

هنشد وحدة التكييف بشويش لبره بمفك عاده

http://i757.photobucket.com/albums/x...hanayem/14.jpg

وهنبدأ نفك الفرام اللى شايل الساعه وفتحات التكييف وده ممسوك بمسمارين فوق مفاتيح التكييف

http://i757.photobucket.com/albums/x...hanayem/15.jpg

ومسمارين فوق العدادات ومسمار وراء فبرة المرايه الكهرباء بيبان بعد ما نخلع الفبره لبره بمفك عاده رفيع هي راكبه كبس

وبعد ما نفك الخمس مسامير هنشد الفرام كله لبره بالعقل ونخلى بالنا من خلع فيشة كهربة النور والتكييف.وفيشة الساعه

http://i757.photobucket.com/albums/x...hanayem/16.jpg

http://i757.photobucket.com/albums/x...hanayem/17.jpg

كده العدادات قدامنا هنفك الاربع مسامير اللى ماسكين العدادات

http://i757.photobucket.com/albums/x...hanayem/18.jpg

ونفك التلات فيش اللى واصلين بضهر لوحة العدادات

http://i757.photobucket.com/albums/x...hanayem/19.jpg

هنفك زجاجة العدادات ونلصق حرفها داير ما يدور ببلاستر طبى

http://i757.photobucket.com/albums/x...0120113814.jpg

هنلزق حرف فريم التابلوه بالكامل بنفس البلاستر

http://i757.photobucket.com/albums/x...0120113816.jpg

هنأكد على رباط مصامير التابلوه بالكامل وهو مفكوك قدامنا

http://i757.photobucket.com/albums/x...0120113813.jpg

هنفك الكاسيت ونلف الضفيره بتاعته بآرما فليكس او بأسفنج رقيق اوى

http://i757.photobucket.com/albums/x...0111227675.jpg

هنربط مسامير التابلوه اللى باينه قدامنا ورا الكاسيت

http://i757.photobucket.com/albums/x...0111227672.jpg

هنعيد تربيط التابلوه كما كان بعكس خطوات الفك

هنيجى لجانب التابلوه اللى مقابل للباب ونلزقه آرما فليكس

http://i757.photobucket.com/albums/x...0120111809.jpg

بكده احنا خلصنا التابلوه

عارفين مراية الصالون

دى لازم نعيد على رباطها بمفتاح الانكيه لأنها من اهم اسباب الأصوات الغريبه فى العربيه

وكمان خلصنا السياره

ارجو ان ينال الموضوع رضاكم

وهو ما سوف يظهر لى بطلبكم لتثبيته و دعائكم الخالص لى

لأى استفسارات وللتواصل السريع ده عنوان صفحتى على الفيس بوك

‫عصام غنايم | Facebook‬

ولقرائه بقية مواضيعى الرجاء اضغط على الرابط اسفل التوقيع

اخوكم عصام غنايم