رد: اختبار قيادة : تويوتا كورولا 2008 المزودة بعلبة التروس الذكية
 

يعنى هما مش عارفين الكلام ده يا محمد ومجربوش السياره وعارفين ان هيبقى فيها مشاكل

طب ماسبوش الفتيس القديم ليه؟

وسؤال أخر؟ هل من الممكن ان تنزل هذه السياره بهذه الكيفيه اسواق اوروبا أو اسواق الخليج حتى؟

ولا هنفضل طول عمرنا حقل تجااااااااااااااارب

هو ده اخرة اللى يطلع من داره يتقل مقداره

رد: اختبار قيادة : تويوتا كورولا 2008 المزودة بعلبة التروس الذكية
 

لا مش الفكره

هقولك العمليه عامله زي ايه

فاكر ساعه ما نزلت التندرا الجديده و فوجئوا بعيوب تقفيل كتيره فالاول؟؟؟

و اكتشفوا المشكله عشان كانوا مخليين ناس تعملهم العربيات و تجمعها من الباطن عشان مصنع تكساس مكنش لسه اتعمل

اهو الحكايه كده مع الفتيس ده فيه عربيات منه فيها عيوب و عربيات تانيه لا و لسه متوصلين لده قريب و عدلوا المشكله و حطوه مع المحرك الجديد ب ستارت ستوب اللي اعتقد هو ده اللي هينزل في الياريس و الكورولا هنا في مصر قريب

بس المشكله طبعا انك هنا في مصر مبيسحبوش عربيات و لا بينيلو حاجه

ده كله +

ان الفتيس عشان يستجيب بيحتاج عزم عالي عشان يعمل تسارع عالي و ده موجود في 1800 و ما فوق

بس ال 1600 و ما دونها مش هتحس بالتسارع اصلا حتى لو الموتور يجيب زي ما فادي قال المشكله ان الاستجابه محتاجه torque و المحرك مبيطلعش ال torque المطلوب ليس قصور و لكن لانه فالاول و الاخير 1600

رد: اختبار قيادة : تويوتا كورولا 2008 المزودة بعلبة التروس الذكية
 

الله يخليك يا استاذ محمد ,
و ربنا يوفقك فى العثور على اللكزس التى ترغب بها, و سماحك لى بقيادتها شرف كبير.
و ادعوك برضو لقيادة الشاهين يمكن تحببك فى الفيات.ptmnlo123per1127
انا زيك برضو بحب العربيات اللى اتربيت عليها, انا اتربيت على 128 و ال127 و ال125 و البيجو.
و اتعلمت على البيجو 405 و ال128 و ال125.
و كويس انك متفق معى حول اللانسر, العربية دى لا حصلت مميزات الأوروبى من الأداء و عصبية المحرك, و لا مميزات اليابانى من راحة و هدوء و سهولة القيادة, و حتى اعتماديتها بحسب مالكيها ليست جيدة خاصة من ناحية مشاكل نظام التعليق.

رد: اختبار قيادة : تويوتا كورولا 2008 المزودة بعلبة التروس الذكية
 

نعم الاعتراف بالحق فضيله و لن اكابر في هذا

هناك 3 ماركات يابانيه لو لم يكونوا موجودين كانت سمعه الياباني ستزيد اضعاف ما هي عليها الان

ميتسوبيشي
مازدا
سوزوكي

اثتثني ايسوزو لانها اهم صانع محركات ديزل فالعالم إلى يومنا هذا رغم شح موديلاتها
و اثتثني دايهاتسو لان تخصصها في الموديلات الصغيره فقط لا يكفل لها الانتشار كالباقي

رد: اختبار قيادة : تويوتا كورولا 2008 المزودة بعلبة التروس الذكية
 

بس انا كنت عايز اسأل فادي على حاجه ..
او لو اي حد عنده علم بالنقطه دي ...
هل الفيتيس السكوينشال بتاع تويوتا بيعتمد نفس التكوين الميكانيكي لاوروبا ..
اللي انا فاهمه ان ال MMT فتيس مانيوال عادي جدا .. باسطوانه و وديسك و كل مكونات الفتيس المانيوال ... لكن كل اللي عملوه انهم شالو الدبرياج ... او بمعنى اصح .. لما الواحد يجي ينقل .. العربيه هي اللي بترفع الدبرياج بداله ... وده سبب البطء الشديد ... والارتجاج نتيجه وجوب رفع القدم عن البنزين لحين اتمام تعشيق التروس
الكلام ده طبعا غير اي فتيس سكوينشال او ترونيك ...
مش كده ولا ايه ؟؟
ارجو التوضيح