كيفية استخراج تراخيص الاجرة
 

السلام عليكم ورحمة الله وبركاته

انا مدرس ومعي رخصة قيادة خاصة , وأنوي شراء تاكسي .

المهم , قرأت موضوع الاخ أكرم بخصوص كيفية استخراج رخصة قيادة
أولاً
أتمنى لو أعرف ما المطلوب لاستخراج رخصة درجة ثالثة , يعني يا ريت نعرف ايه الاوراق الاضافية الي تزيد عن أوراق الرخصة الخاصة .
ثانياً
عايز أعرف إجراءات ترخيص السيارة الاجرة , أهم حاجة هل هناك موافقة بالترخيص مسبقة من المرور يتم الحصول عليها قبل شراء السيارة ؟
وهل ينفع تكون السيارة بإسمي " علماً بأني موظف" , ولو لأ هاتبقا القيادة بتوكيل ولا إيه النظام ؟
ثالثاً
هل يسمح لصاحب السيارة الاجرة قيادتها برخصته الخاصة في مشاوير عائلية مثلاً ؟
رابعاً
موديلات 2011 هية الموجودة حالياً بالاسواق " بتكلم عن الفيرنا والفيفا " والاسعار عالية عن سابقتها , ممكن أجيب موديل 2010 منين , ولا خلاص معدش موجود , طب موديلات 2011 ممكن سعرها ينزل ؟ يعني أصبر شوية ولا إيه ؟


محدش يضحك عليا أنا فعلاً معنديش خلفية , وفكرة التاكسي دي جاتني ومحتاج أعرف المعلومات دي ضروري .

رد: كيفية استخراج تراخيص الاجرة
 

اهلا و سهلا بحضرتك في مصر موتورز.
بالنسبه لاجراءات الحصول علي رخصه قياده درجه ثالثه
ما عليك هو استخراج شهاده مخالفات لرخصه القياده الخاصه و التقدم للمرور ولا يوجد اختبارات
فقط دفع الرسوم و ابراز شهاده الخدمه العسكريه و تسليم الرخصه الخاصه و استبدالها بالرخصه المهنيه.
بالنسبه لتراخيص التاكسي فهي تخضع للمرور التابع اليه محل اقامتك و اعتقد ان معظم وحدات المرور لا تقبل الترخيص للتاكسي حاليا فعليك اولا السؤال في وحده المرور التابع اليها محل اقامتك.
بالنسبه لاستخدام السياراه الاجره كسياره عائليه لا يوجد مانع الا في حاله مغادره المدينه يتطلب استخراج تصريح مؤقت من وحده المرور قبل مغادره المدينه

رد: كيفية استخراج تراخيص الاجرة
 

استاذ حازم , اشكر حضرتك على الاهتمام و سرعة الرد
طيب بالنسبة لموديلات 2011 هية الموجودة حالياً بالاسواق " بتكلم عن الفيرنا والفيفا " والاسعار عالية عن سابقتها , ممكن أجيب موديل 2010 منين , ولا خلاص معدش موجود , طب موديلات 2011 ممكن سعرها ينزل ؟ يعني أصبر شوية ولا إيه ؟

رد: كيفية استخراج تراخيص الاجرة
 

بتبقي حاجات بسيطه مش بالتعقي اللي حضرتك فاكره
لازم تروح المرور و تسأل هناك
ممكن تكون العربيات دي احلال مش ترخيص جديد
قياده سياره الاجره بالرخصه المهنيه والرخصه الخاصه لا تجيز قياده تلك السيارات حتي لو مملوكه لطرفك

رد: كيفية استخراج تراخيص الاجرة
 

شكرا جزيلا يا استاذ حازم
وجزاك الله خيرا