مصر موتورز مجتمع السيارات - موسوعه شامله عن بروتون واجا + اسعار قطع الغيار " متجدده بأستمرار "

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

رد: موسوعه شامله عن بروتون واجا + اسعار قطع الغيار " متجدده بأستمرار "

اقتباس:

المشاركة الأصلية كتبت بواسطة AboNoRa (المشاركة 2428)

من غير ليه يا مهاب هى التوكيلات بتحسبها كده وخاصة توكيلات الماركات الغير منتشرة او الغير شعبية لان معدل دوران المال المستثمر فى قطع الغيار بطيء والناس ديه فلوسها دايرة فى البنوك وفلوس البنوك دايرة فى شغلها فمن االاخر لازم حتة الغيار تطلع حقها وحق ركنتها ومخزنها وعمالها ومحاسبينها وضرايبها وتركيبها وضمانها ودعايتها واعلانتها وقرشين فى جيب المعلم الكبير ولا انت عايزة يبيعهالك زى ما اشتراها :w6w200504111340266d

ماقولناش حاجه ... يكسبو لكن ده مش مكسب ده عدم فهم وتقدير .دة لو الفانوس فيه ردار والله ما جيبه حتى لو بالف جنيه ... مش ب 1850 ؟

على فكره انا مش ضد التوكيل ولا عاوز اعمله سمعه وحشه لانى بصراحه لقيت احسن واجمل معامله من " المديرين" هناك .

لكن فى حاجه غلط فى بعض اسعار قطع الغيار غلط خالص .

وخد ديه عندك انا نسيت اضيفها فى الليستا .........

* علبه الدركسيون ب 4200 جنيه ؟؟؟ وعلى فكره مش موجوده بره نهائى . فى منها استيراد فى الحرفين !!!

ربنا يستر :F_14WA~16[1]:

الواجا عربيه محترمه وجميله وانا بحبها ...... لكن ماهياشBMW ولا ALFA ROMEO علاشان التوكيل يغلى قطع الغيار كده .

ربنا يصلح الحال و العربيه تنتشر شويه علاشان قطع الغيار ترخص شويتين او تلات شويات

رد: موسوعه شامله عن بروتون واجا + اسعار قطع الغيار " متجدده بأستمرار "

موضوع مميز عن عربية جميلة

العربية دي مع ابن عمي ،،

و انا جربتها تحفة بكل المقاييس

أداء رياضي بطعم الماني ثبات مع صوت موتور قوي بس مش مزعج ،

تابلوه جلد يحسسك انك راكب عربية فاخرة

طارة مالتي فانكشنز

و عامل بيها لح دلوقتي 50 الف بدون مشاكل فقط الصيانة الدورية

و علي فكرة بيقولي ان توكيلها رخص اسعار قطع الغيار اوي عن الأول

يعيبها من وجهة نظري شكلها الخارجي تحسه قديم بالنسبة لفئتها

و تابلوها برده رغم فخامته بس كلاسيك

شكرا ا/ مهاب ،، و اتمني تقبل تقييمي المتواضع

رد: موسوعه شامله عن بروتون واجا + اسعار قطع الغيار " متجدده بأستمرار "

موضوع مميز لعضو مميز

رد: موسوعه شامله عن بروتون واجا + اسعار قطع الغيار " متجدده بأستمرار "

اقتباس:

المشاركة الأصلية كتبت بواسطة Ahmed Anwer (المشاركة 2712)

اهلا بيك يا استاذ احمد و شكرا على تقيمك الجميل . فعلا انا معاك صوت الموتور عالى لكن مش مزعج .
بالنسبه للشكل ف تصميم الواجا حاجه من اتنين ملهاش تالت . ياتحب تصميمها الكلاسيكى . يا تكره .... مافيش وسط لان فعلا فى ناس بتنبهر اوى بتصميمها الى يوحيلك بالفخامه , وفى ناس بتقول عليها ان تصميمها صندوقى من اجيال الثمانينات .

نفس الكلام يتقال على الانتيرور . بس انا عاجبنى جدا حركه الكونسول الى جاى ناحيه السائق" مسروقه من الفاروميو " و عاجبنى جدا جدا الفيتيس المايل ناحيه السائق ....ماشوفتش الموضوع ده غير فى الالفا 156 .

اجمالا العربيه ممتازه بالنسبه لسعرها , و جيده جدا بالنسبه لفئتها , وطبعا مننساش انها نزلت سنه 2000 يعنى دلوقتى بقالها 8 سنين و فى الوقت ده حصل ثوره فى التصميمات كبيره جدا .

عموما بروتون حاولت تمشى على نهج الفاروميو فى تصميم الواجا... المثلت الى على الكبوت من اسفل الشبكه وحتى الخط الجانبى , الخط الجانبى المستقيم الى ماسك من اول العربيه لاخيرها.....الخطوط و النهايات الحاده ..... كلها لمحات ايطاليه , بس ممكن نقول مع تحفظ لوتس الانجليزيه و ده واضح جدا على تصميم مؤخره الواجا الى فعلا تحس انها تقليديه اوممكن كلمه كلاسيكيه تكون اكثر دقه .

بس بالنسبالى اكتر حاجه عجبتنى فى العربيه ديه تصميمها لدرجه انى لو لقيت واجا ماشيه جمبى بقعد اتفرج عليها :w6w2005041113562663. بحسها مختلفه عن باقى العربيات , انا عموما بحب النوع ده من التصميمات " التصميمات الخاليه من البهرجه او تعقيدات " :F_14WA~16[1]:

اقتباس:

المشاركة الأصلية كتبت بواسطة Payoo (المشاركة 2765)

موضوع مميز لعضو مميز

ربنا يخليك يا استاذ هانى , الف شكر على ردك الكريم .

رد: موسوعه شامله عن بروتون واجا + اسعار قطع الغيار " متجدده بأستمرار "

الله عليك يا مهاب موضوعاتك عن الواجا دايما رائعة و متكاملة بالمناسبة النيو واجا نزلت عند عز العرب و هى بنفس مواصفات النيو واجا على سايت بروتون و أسعارها 84 ألف جميع الكماليات مانيوال و 90 الف جميع الكماليات اتوماتيك يعنى فرش جلد و فرامل مانعة للإنزلاق و 2 وسادة هوائية و كاسيت CD -MP3 + blue tooth و المحرك هو الكامبرو اللى موجود فى الجين تو الحالية و مرفق البروشور بتاعها ptmnlo123per154