مصر موتورز مجتمع السيارات - قواعد اختيار زيت الموتور.. إزاي تعرف الزيت المناسب؟؟؟

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: قواعد اختيار زيت الموتور.. إزاي تعرف الزيت المناسب؟؟؟

من جتالوج العربية بس العربية تقفيل كورى والكتالوج اصلا انجليزى مش عربى بس انا برجح يكون الكلام دة مكتوب على اساس مش جو مصر لانى فى سألت فى كذة توكيل بيحطو 20w50 موبيل 1 بس انا كدة بقول ان هما كانو عمليين درجة الزوجة دى فى مناطق بردة لانة كاتب انة يستخدم فى المناطق الباردة طبعا احنا فى مصر الجو عندنا حار فا ممكن يكون دة السبب صح ولا كلامى دة غلط لانى بردة دخالت وجبت كتالوجات من على النت لقيت نفس الموضوع بينصحو باستخدام درجة اللزوجة 5w30 انت اية رأيك

رد: قواعد اختيار زيت الموتور.. إزاي تعرف الزيت المناسب؟؟؟

اقتباس:

المشاركة الأصلية كتبت بواسطة محمود زيزوو (المشاركة 561167)

رأيي إنك تشوف كتالوج أفيو مصري مكتوب فيه إيه... بس ده على فرض إن يكون نفس الموتور في العربيتين (المصري والكوري)

لو لقيت نفس الكلام... يبقى مفيش فايدة... لازم نسمع كلام الكتالوج :(

رد: قواعد اختيار زيت الموتور.. إزاي تعرف الزيت المناسب؟؟؟

اقتباس:

المشاركة الأصلية كتبت بواسطة khaabas (المشاركة 558715)

كلام تمام 100% بس سؤال بعد اذنك يا باشا انا فعلا حاطتيت زيت API اعلى بكتير من المطلوب زى ما حضرتك علمتنا وقولت اجربه ودرجة لزوجته 10W60 وما شاء الله بس فعلا فى الخانقات المرورية بحس الموتور تقيل شويه على عكس لما اكون على الطريق لان استخدامى بالعربية مسافات طويلة دايما هل حكاية تقل الموتور مفيش اى تأثير عليه
وسؤال تانى بعد اذنك ايه رايك فى التحويل للغاز خصوصا بعد النظام الجديد بتاعه ان العربية بتشتغل تلقائى فى بداية الدوارة بنزين وبعد كدة اتوماتيك يتنقل لغاز :CHUBBY~36:

أنا آسف إني اتأخرت في الرد... ساعات الواحد بيهيس وينسى إنه ما ردش :)

الزيت التقيل مشكلته إنه بيعمل إعاقة نسبية لدوران الموتور ... الموضوع ممكن نشبهه بالفرق بين المية والعسل... جرب تجيب كوباية مية وكوباية عسل وحاول تحرك معلقة فيهم... المية أكيد أسهل بكتير
ميزة الزيت الثقيل إنه حيعمل طبقة سميكة على الأجزاء اللي بيحصل فيها الاحتكاك وبكده حيقلل التآكل وعمر الموتور يطول... بس في المقابل استهلاك البنزين حيزيد شوية لإنك حتضطر تدوس بنزين زيادة عشان العربية تأدي نفس الأداء الأصلي

الزيت الخفيف بالعكس.. حيديك أداء أحسن (مؤقت)، بمعنى إنه حيساعد في السحب وحيوفر في البنزين... بس تآكل الموتور كمان حيزيد...

فلو عندك عربية بتأجرها.. جرب حط فيها زيت خفيف عشان توفرلك بنزين، وكده كده حتبيعها بعد 3-4 سنين.

خلي بالك... لو كتالوج العربية بيوصي باستخدام أو بعد استخدام لزوجة معينة يبقى لازم نلتزم بيها
خد مثال العربية الأفيو زي ما أ. محمود زيزوو كتب... واضح إن الخلوصات في الموتور ضيقة جدا ومحتاجة زيت لزوجته منخفضة عشان يقدر يوصل لكل أجزاء الموتور بسهولة

بالنسبة لموضوع التحويل للغاز.. بصراحة معلوماتي فيه قليلة شوية لإني ما جربتوش... واللي أعرفه إن استخدام الغاز ممكن يزيد معدل التآكل في الموتور .. بالذات جوه السلندر بسبب ارتفاع نسبة مركبات الكبريت في الغاز... وده السبب إن سمعة الغاز الطبيعي وحشة شوية بالنسبة لعمر الموتور... ده غير إن سحب الموتور بيقل شوية... ومتهيألي كمان لازم نغير زيت بمعدل أسرع عشان نشيل بقايا مركبات الكبريت اللي ممكن تترسب في الزيت.

بس لازم نرجع في النقطة دي للي عندهم خبرة مع الغاز الطبيعي.

...

رد: قواعد اختيار زيت الموتور.. إزاي تعرف الزيت المناسب؟؟؟

سؤال تانى معلش يا استاذ بوريو تعبتك معاية عن كاسترول ايدج بس هو فى حاجة غريبة شوية ان هو 10w40 صح كدة طب دة هيتحمل درجة الحرارة بتاعت الصيف فى مصر لان هى بتوصل لحد45 درجة فى الصيف

رد: قواعد اختيار زيت الموتور.. إزاي تعرف الزيت المناسب؟؟؟

اخى الفاضل بوريو انا معايا رينو رينبو موديل 99 عاملة 168000 كيلو انا حاليا بستخدم زيت توتال كوارتز 5000 50w20 هل دة مناسب ولا استخدم زيت اخف شوية ارجو النصيحة وشكرا لك