مصر موتورز مجتمع السيارات

السلام عليكم الاعضاء الكرام

كنت عاوز انقلكم تجربتي النهرده مع السمكره
البدايه النهرده وانا رايح الشغل متأخر كان عندي مأموريه في المطار تبع الشغل
المهم كنت مستعجل وبرجي عادي على صلاح سالم
المهم وانا ماشي في أمن الله لقيت واحد رما عليا بعربيه كرستاله ملوش دعوه بالطريق هاتك يا رغي مع الي جمبو
قعت اقلب في نور ودوس كلاكسات وهو مش هنا لحد ما دوست فرامل جامد فنتبه بس بعد ما خبطني في الناحيه اليمين عند الرفرف قدام المهم قعد يطلع ايدو وعتزر بس خلاص انا كملت طريق عشان كنت مستعجل
المهم لقيت في العربيه بعد ماركنت السوكه بتاعت الرفرف دخله لجوه والرفرف مكحوت والاكسدام كمان طبعا اتعكننت جدا

المهم فكرت اني اروح اسمكرها بس لقيت نفسي حدفع فلوس داغير السمكري حيخليني اروش الدنيا كلها والبهيجي لازم يروش اكسدام ورفرف عشان تبقا ميه وحده والعربيه لسه فبريكه دا غير ان ممكن في الاخر يكتبو عقد شراكه معايا في العربيه دا غير الوقت كمان

فاقررت اشتغل بوهيجي وسمكري

روحت الجراش ورحت مطلع الدواسه والكوريك والعده

فرشت الدواسه حليت العجله والكرتيره والاكسدام وبتيت الدق بقيت ادق من جوا بدهر المفك وصموله العجل براحه عشان مخربش الدنيا ودا لاني معنديش غيرهم لا شاكوش ولا سنده ولا اي حاجه من العده بتاعت السمكري
المهم ابتدت تترد بداء عمل البوهيجي وانا راجع كنت عديت على اون ذا رن وشتريت كومبوند امريكي للتلميع جبتو وبكرت مناديل وهاتك يا دعك لحد ماظبط الدنيا وقفلت الكرتيره والاكسدام وركبت العجله

ودا فديو وصروره الشغل ....

http://www.youtube.com/watch?v=ZQct7...ature=youtu.be

http://www4.0zz0.com/2012/09/19/10/537681684.jpg

بس يا جماعه بجد متتصوروش فرحتي قد ايه اني قدرت اعمل حاجه كانت حتتكلف فلوس وووقت كتير
والنصيحه اني اقول للناس انك تقدر تعمل اي حاجه في العربيه بنفسك مش في كل الظروف حتحاج لناس تنيين وبجد بتبقا فرحه انك تعمل حاجه وربنا يكرمك فيها وتبقا تمام وربنا يحفظ كل الناس الي على الطريق من كل شر ...

والسلام ختام