مصر موتورز مجتمع السيارات - هل زادت أسعار المستعمل

مصر موتورز مجتمع السيارات (https://www.masrmotors.com/vb/index.php)

- مازدا MAZDA (https://www.masrmotors.com/vb/forumdisplay.php?f=34)

- - هل زادت أسعار المستعمل (https://www.masrmotors.com/vb/showthread.php?t=22891)

هل زادت أسعار المستعمل

أود أن أستفسر من إخواني في هذا المنتدى الجميل، هل فعلا زادت أسعار المستعمل بسبب إشاعة إحلال الملاكي، وهل هي إشاعة أو حقيقة، منتظر ردودكم، أفيدونا؟؟؟؟؟؟؟؟؟؟؟؟؟؟

رد: هل زادت أسعار المستعمل

لا طبعا هيه مش اشاعه بس اسعار المستعمل قلت لان الاحلال ده اختياري مش اجباري ده اولا واللي يقولك غير كدا يبقي عايز لمؤخذه يلبسك في الحيط

رد: هل زادت أسعار المستعمل

اقتباس:

المشاركة الأصلية كتبت بواسطة corsair (المشاركة 156444)

أولا أنا شاكر جدا لاهتمامك، وكان عندي تعليق بسيط، واحد جاري لسة شاري عربية مازدا 323 موديل 1981 ب21 ألف جنيه، مع إن الموديل ده كان بيعمل في حدود 17 ألف، فلما سألت قالوا إن المستعمل كله زاد، وبرده في واحد زميلي نزل سوق الجمعة وجد العربيات 127 الفيات بقت ب14، و15 ألف مع إنها كانت بتعمل 9، 10، فيعني أنا حسيت إن زيادة الأسعار فعلا حقيقة، وده إلا خلاني أسأل، وعموما شكرا على ردك:waving:

رد: هل زادت أسعار المستعمل

بص يا مهند باشا المستعمل كان قل فى السنتين اللى فاتو جامد علشان الزيرو وتحديدا التقسيط كان سهل جداً فكان اسهل حاجة معاك عشر الاف جنيه تروح تاخد عربية زيرو وطبعا اللى معاة عشرين وتلاتين كان اساسى يشترى زيرو بدل ما يجيب مستعمل لكن مع الازمة العالمية وانحسار موجه التقسيط رجع المستعمل يمسك سعر تانى وخاصة الحاجات اللى عليها طلب دايما زى ال 28 والمازدا 323 وانت طالع

بس المستعمل مفيهوش سعر ثابت بشكل مطلق لان الحاجات اللى تحت التسعينات ديه بيبقى فيه تفاوت كبير فى الحالة بين عربية والتانية فكل حاجة قابلة للتفاوض واعادة التقييم
انا كنت بجيب لصاحبى 127 وكانت عروسة بجد وكشفنا عليها وكله تمام والراجل كان بيقول انه باعها اصلا ب 15 ولما قرصنا عليه اخدناها ب 12ونص

يعنى تاخد العربية تكشف عليها الاول وتطلع القطط الفاطسة وتفاصل وتشترى شراء غناوة ومتاخدش باول كلمة

وياريت طبعا تبعد عن التجار خاصة فى الفئه ديه لان المقالب بتبقى كتير منهم

رد: هل زادت أسعار المستعمل

اقتباس:

المشاركة الأصلية كتبت بواسطة AboNoRa (المشاركة 159486)

بص يا مهند باشا المستعمل كان قل فى السنتين اللى فاتو جامد علشان الزيرو وتحديدا التقسيط كان سهل جداً فكان اسهل حاجة معاك عشر الاف جنيه تروح تاخد عربية زيرو وطبعا اللى معاة عشرين وتلاتين كان اساسى يشترى زيرو بدل ما يجيب مستعمل لكن مع الازمة العالمية وانحسار موجه التقسيط رجع المستعمل يمسك سعر تانى وخاصة الحاجات اللى عليها طلب دايما زى ال 28 والمازدا 323 وانت طالع

بس المستعمل مفيهوش سعر ثابت بشكل مطلق لان الحاجات اللى تحت التسعينات ديه بيبقى فيه تفاوت كبير فى الحالة بين عربية والتانية فكل حاجة قابلة للتفاوض واعادة التقييم
انا كنت بجيب لصاحبى 127 وكانت عروسة بجد وكشفنا عليها وكله تمام والراجل كان بيقول انه باعها اصلا ب 15 ولما قرصنا عليه اخدناها ب 12ونص

يعنى تاخد العربية تكشف عليها الاول وتطلع القطط الفاطسة وتفاصل وتشترى شراء غناوة ومتاخدش باول كلمة

وياريت طبعا تبعد عن التجار خاصة فى الفئه ديه لان المقالب بتبقى كتير منهم

أشكرك جدا يا أستاذي