الحقوووونى اكسارا 1
 

كنت بسخن العربية ومرة واحدة فاصلت وهيا دايرة عادى بس جيت ادور مفيش
مفيش حاجة خالص العدادات مش بترفع ومفيش مارش بس الكهربا موجودة والنور بيشتغل
الكهربائى بعد شغل كتير قال مفتاح كونتاكت وصلة مباشر العدادات رفعت والمارش اشتغل بس مفيش كهربا على البوجيهات والرشاشات بيقول بردة اية الحل ساعدونى حد شاف كدة قبل كدة

انا بشتغل هاردوير لاب توب يعنى فى الكهربا
المهم الملحوظتين اللى عندى لما بيوصل الكوناتكت مباشر كلو اللمض اللى فى التابلوة بتنول ما عدا التشك والميكانيكى قاتل لازم تنور عشان يبقى فى كهربا موبينة ورشاشات

الحاجة التانية الفيوزات لما قستها بالافو كلو شغال بس كلو موصل ببعضوا دة عادى يعنى زى ما يكونوا كلهم سلكة واحدة

الحقووووووونى:k_crying77[1]: بردة دى واعمل اية المشكلة انا مش فى القاهرة ولا حتى عندى قطع غيار وصعب اجيب ونش لغاية القاهرة اية الحل

رد: الحقوووونى اكسارا 1
 

مفيش اى مساعدة اى حاجة الواحد بيحاول يفهم مبقتش عربية حديدة بعجل

رد: الحقوووونى اكسارا 1
 

قبل الموضوع ده ما يحصل , فى حاجة عملتها فى العربية
مثلا غسلت الموتور بمية أو حاجة كدا ؟
الفيوزات اللى بتتكلم عليها دى اللى جوا ولا اللى فى الكبوت ؟
أنت فى أسوأ الاحوال حتكون مشكلة فى الكنترول, بس حاول تشوف كهربائى تانى عشان الراجل ده شكله بيتعلم معاك
وحاول تشوف حد معاه الجهاز اللى بيخش يقرأ الـ errors عشان يفهم هو المفروض يعمل ايه

رد: الحقوووونى اكسارا 1
 

مشكووووور
لا مفيش غير انى كنت راكن العربية يومين مش راضى اخرج بيها
الشورت دة تقريبا فى كل الفيوزرات
انا عايز اعرف بس الكنترول دة اللى فى علبة الفيوزات ولا spi مش فاهم عشان شكلى هروح اجيب قطع وخلاص واجربها الدنيا كدة بايظة ومش لاقى كهربائى عدل

رد: الحقوووونى اكسارا 1
 

تم معرفة المشكلة بطريقتى شكرا لتعبكم
واحد فيشة الكونتاكت هيا اللى عملتها معايا وقطعت مرة واحد بس للاسف مش لاقى الفيشة جديد شكلى لازم انزل الحرفيين هوا فى حد يعرف سعر الكونتاكت كامل كامل استيراد

تانى مشكلة فيوز لقيتة ناقص فى العلبة اللى جنب البطارية كان على خط لمبة التشك ركبتة لمبة التشك نورت والكمبيوتر اشتغل الحمددللة
الخطوة الجاية هغير كونتاكت وطقم رشاشات محدش يعرف تليفون حد بيشحن للصعيد عشان المشوار