اتخنقت من الكهربائية كلهم
 

عندى سيارة بلونيز متعبة فيها مشاكل كهرباء %90 من العربية
كان فيها مشكلة فى البطارية وغيرتها وبعدين الكهربائى قالى الاسبراتير باظ غيرته وبعدين التابلوه النور بتاعه انطفأ قالى عايزين لمبات جيبتها وغيرها وبعدين نور الصالون والانتظار بيفصل وبيعلق والدينمو فيه مشكله مش بيشحن وانا احترت وزهقت وعايز اصحاب الخبرة يدونى الحل اجيب دينمو نضيف منين وبكام وهل فى منه جديد ويتجاب منين
ودوايات التابلوه ممكن تتغير والنور ممكن يتجاب لمبات اقوى من دى وليه لمبات الصالون بتعلق مع الانتظار افيدونى ارجوكم

رد: اتخنقت من الكهربائية كلهم
 

السلام عليكم اخى الكريم
والله انا لااعرف فى الكهرباء ولكن اعرف اثنين كهربائية واحد شغال فى توكيل ابو غالى (شيفورلية واوبل )
والاخر تقريبا فى نيسان وشاطرين اوى (والاثنين من القاهرة انا مش عارف انت منين )
ولكن انت عارف ان شيفورلية واوبل ونيسان عربيات حديثة عن البولونيز يعنى الكهرباء الخاصة بيها اعتقد مختلفة شوية مش عارف المهم ممكن تكلمهم وتشوف الدنيا فيها اية وربنا يوفق
المهم انا خائف لايكون غيرو نمرهم لانى بقالى فترة متعاملتش معاهم الصنايعى اللى فى نيسان ركب لى زر فصل الماتور بالريموت ولما كلمتة فى التليفون اتفقنا وجالى هو وزميل لة لحد باب البيت بعربيتة فى مدينة السلام واشتغل وخلص ومشى وشغلة تمام اوى .
اما اللى شغال فى ابو غالى العبور فانا تعرفت علية لان عربيتى شيفورلية واشتغل فى العربية وعمل لى فوانيس شبورة وتقوية اضاءة الفوانيس العادية ولما سألت علية عرفت انة شاطر اوى
المهم اسطى عبد العليم (توكيل ابو غالى )على فكرة دة مش كبير دة شاب 30 35 سنةت/01116412668
والتانى اسمة محمد سميح نيسان ت/01288286858
ياريت تقولى عملت اية لو هتتصل بحد فيهم
تحياتى

رد: اتخنقت من الكهربائية كلهم
 

الدينامو موجود فى عزبة شلبى بيبدأ من 150 جنيه بكتاوت داخلى
وممكن تركب كتاوت خارجى بلغارى هيكون احسن برضو
ولو عاوز جديد هتلاقى عند أحمد محرم او فيات 2000

رد: اتخنقت من الكهربائية كلهم
 

شكرا على الرد بس احمد محرم او فيات 2000 دول فين بالظبط وعنوانهم ايه

رد: اتخنقت من الكهربائية كلهم
 

ولو حد يعرف ايه احسن دينمو يركب على العربية يكون كام امبير مع العلم انى مركب بطارية 70 امبير