استفسار عن شراء سكوتر بميزانية 10 الاف جنية
 

السلام عليكم

انا الميزانيه بتاعتى 10000 و عايز اشترى موتوسيكل للاسف دى اول مره ليا

عايز سكوتر عشان شكله شيك و ياريت يكون اوتوماتيك و صيانته سهله كنت عايز اعرف الاماكن المضمونه لشراء واحد و ايه الانواع الى كويسه

بالنسبه للاستخدام اقصى مشوار بعمله هوا 60 كيلو المسافه كلها بتكون على الدائرى الشوار ده كل اسبوع مره واحد لكن بقيه الاسبوع مشاوير لا تتعدى 20 كيلو بركن فى وسط البلد و استخدم المترو

انا قلقان من الصيانه و المشاوير فى الشتاء و تامين الموتوسيكل فممكن نصائح عن ايه مساوئ الاسكوتر او الموتوسيكلات بشكل عام

شكرا جزيلا ليكم

رد: استفسار
 

طيب بلاش الكلام الى فوق ده كله

ايه احسن انواع السكوتر ؟؟

شكرا جزيلا

رد: استفسار
 

منصحكش بالسكوترات الحديثة ديه خالص خفيفه جدا كلها وعايزة طرق نظيفة مش الطرق بتاعتنا ديه اللهم الا اذا كنت جايبة تتمشى بيه فى الكمبوند حوالين الفيلا اذا كان كدة ماشى :01FDAB~189:

رد: استفسار
 

انا قلقان من كده فعلا :) انا قررت انى اجرب فى موتوسيل صينى الاول بالرغم من عيوبو الكتير

رد: استفسار
 

فى كل الاحوال اعمل حساب فى ميزانيتك للسيفتى قبل المكنة
خوزتك الجميلة الجواكت المتينة بناطيل داخلى وخارجى على الاقل او واقى ركبة وشنكار والجزمة السيفتى والجوانتى الجميل وانطلق واتفرج على الفيديوهات ديه بالله عليك

https://www.youtube.com/watch?v=bPvOomaFR2g

https://www.youtube.com/watch?v=mfks8yBkLzM