مصر موتورز مجتمع السيارات - اول مره امشي مع بنت (درس للافاده)

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - اول مره امشي مع بنت (درس للافاده) (https://www.masrmotors.com/vb/showthread.php?t=72654)

رد: اول مره امشي مع بنت (درس للافاده)

ههههههههههههههههههههههه
معلش يا مان....الخسارة هنا خسارتين
الاولى انك اتعرفت على واحدة وحشة
والتانية ان صاحبك باعك:teaseW16:

رد: اول مره امشي مع بنت (درس للافاده)

انا وللاسف مش فرحان ابدا والله ولا غرور انا الحمد لله طويل وامور وابيضانى ونزيه ف لبسى اوى
كنت باخد كورس برمجه ولله الفضل انا الدكر الوحيد ف الكورس المهم مشيت مع 4 بنات وخت على قفايا كنت ف2 ثانوى
وفضلت ماشى معاهم سنه كامله وسيبتهم واحده تلو الاخرى لحد ما واحده جرحتنى بكلامها اوى وحسيت انى مش بنى ادم
ولما حبيت دلوقتى بجد مش قادر ااقول للى بحبها
ومن عمل يعمل ولو بعد حين
بس والله دى مش شطاره دى خيابه منى والبنت اللى جرحتنى دى علمتنى حاجات كتير اولهم ان مشاعر الناس مش لعبه ومتصارحش بحبك لحد الا لما تبقى واثق انه بيحبك من قلبه مش من قوله
والله قعدت اسبوعين مش باكل ولا بشرب جالى هبوط كذا مره وخسيت 12 كيلو
اتبهدلت بس ربنا يتوب علينا
انا حيكت الحكايه دى للنصيحه مش اكتر

رد: اول مره امشي مع بنت (درس للافاده)

اقتباس:

المشاركة الأصلية كتبت بواسطة mar mar (المشاركة 558685)

فعلا يا مامنه لرجال يا مامنه للميه في الغربال

فكرتني بايام الكليه انا كنت برنسيسه الجامعه
انا كانت جامعتي في بنها فكنت انا زي اللي جايا من امريكا
يعني كنت بحب البس كويس بحب اتكلم انجليزي ايام ما كنت بعرف انجليزي
اصحابي كلهم فشله زي بتكلم مع الشباب عادي بدام في حدود الادب والزماله ودي كانت عنهم قلت ادب
واني بت مش مظبوطه بس انا كانت كل علاقتي في حدود الجامعه براه سور الجامعه لو شفت مين ولا اعرفوا
فكرتني بان الشباب بتوع الجامعه كانوا بيجوا عندي انا وصحبتي علشانيقفوا معانا علشان يتقال بس انه وقف مع برنسيسات الجامعه
وكان كل يوم البنات بتسلم عليا ولا اعرف اسمها بس انا بسلم عليها واقولها ازيك وانا مش عارفها اصلا
وسبحان الله هي كانت عارفني ومعرفش منين
وبقيت مشهوره اوي لما واحد حب يستظرف عليا ويقولي كلام براه حدود الزماله
قولتلوا انا لبسه شوز واخاف يتوسخ لو كنت لبسه شبشب كنت نسرتوا علي دماغك
الواد بقي يشوفني يمشي من شارع تاني
وواد بقي عامل نفسه فلانتينوا الجامعه وجه علشان يثبتني
روحت قلتلوا انت فاكرني من ايام السينما الصامته
وخد الطريحه التمام
وواحد تاني فضل كل مااروح في حته يروح ورايا لحد ما طلعنا رحله تبع الكليه اخر السنه توديع لايام الجامعه جه قالي انا عايزه اقابل بابا قلتلوا انا ابويا وامي منفصلين فلسع ولف علي وحده زمليتنا هي بتحب الفلوس اوي بقيت لازقاله طول الرحله علشان يفسحها ويصرف عليها
ياه فكرتني بايام والله واحشوني البت انتمتي اللي بقالي سنتين مش شفتها
وواحشني التزويغ من المحاضرات وواحشني الكشري بتاع عموا جودي
وسندوتشات الطعميه المره من كتر ما الزيت وحش بتاعت كفاتريا الجامعه
وبيزا لانجريتوا التسمسم
والقاعده قدام النيل واحنا بنجيب في سيره اللي يسوا واللي ميسواش

شكرا علي الموضوع الجميل اللي بجد فكرني بحاجات كنت فكره نفسي نستها ROSE4U

ماهو اصلا الاساليب اللي كانوا بيحاول يكلموكي بيها دي متخلفه اصلا ويدل فعلا انهم زي الفلاحين اللي بيغمسوا العيش الفينو بالعيش الفلاحي انا جامعتي كانت في المنوفيه وكنت بحس نفس الاحساس بس مع الاختلاف طبعا كانت لما تيجي بنت من القاهره الاقي الجامعه كلها عايزه تكلمها ولاد وبنات الولاد علشان يبقي منظرهم حلو والبنات علشان يتقال انهم يعرفوا البنت اللي جايه من القاهره

بس العبد لله بقي كان ليه اسلوبه الخاص ومش حاتكلم عن نفسي كتير بس خلاص بقي دلوقتي اتجوزنا وخلفنا كمان الله يرحم ايام زماااااااان

رد: اول مره امشي مع بنت (درس للافاده)

اقتباس:

المشاركة الأصلية كتبت بواسطة أبو عمرو (المشاركة 558717)

ياباشا ومين قال ان التعرف علي الوحشه دي خساره الوحشه فعلا تجيب الحلوه بس صاحبنا هوه اللي غوط في الموضوع شويه كان يتعرف عليها مش يحبها :CHUBBY~36:

رد: اول مره امشي مع بنت (درس للافاده)

بجد تجربة جميلة بس اهم ما فى الموضوع انك بجد بجد اتعلمت منة شئ انك متجرحش مشاعر حد حتى لو وحش او حلو او او بجد معلومة من دهب بجد تسلم ايديك ومن باب الضحك بقى المفروض كنت تجرى ورا صحبك اللى باعك دة هههههههههههه :10F925~165: