اى معلومات عن الfrv انا تحت امركم
 

اولا بسم الله الرحمن الرحيم
انا جديد معاكم هنا فى المنتدى والى عرفنى على المنتدى وشجعنى انى ادخل عندكم عشان اساعدكم الاستاذ pop elgamed
انا ربنا كرمنى فى شهر 2\2009 جبت الfrv1600 وعامل بيها 19800كم
وربنا كرمنى فى شهر 6\2009 وجبت الfrv1300 وعامل بيها 6200كم
وانا جبت ال1300 بسبب اعجابى بالعربية وانا كان معايا لانوس 2005 قبل الfrv
والى محتاج اى معلومة او اى حاجة عن العربية انا تحت امرة

رد: اى معلومات عن الfrv انا تحت امركم
 

ألف مبروك وربنا يبارك لك فيها
وياريت لو ربنا قدرك تعمل لنا تقريرمصور عن العربيه
الطريقه دى بتفتح باب مناقشات مفيد جدا لكافة الأعضاء

رد: اى معلومات عن الfrv انا تحت امركم
 

الف مبروك على العربية وربنا يديك خيرها ويكفيك شرها يا رب بس انا كنت عايز اعرف بكل امانة ايه عيوب العربية دى وبالنسبة للرينو لوجان احسن ولا ايه بالظبط ومشكور مقدماً

رد: اى معلومات عن الfrv انا تحت امركم
 

الله يبارك فى حضرتك
احب اقول لحضرتك ايه عيوب العربية ديه
انا شايف ان العيب الوحيد فيها التقفيل يعنى بسمع صوت تزييق فى الشنطة وهيا جديدة بس انا رحت للتوكيل وعملولى المشكلة ديه
العيب التانى الى انا شايفه انها مش واخده حقها فى السوق يعنى واخده سمعة سيئة عشان هيا صينى مع العلم انها احسن شركة ووكيل فى الصين
لأنه واخد احسن اجزاء فى العربيات المحترمة
يعنى الموتور بتاع ميتسوبيشى لانسر 2008 البومة
الشاسية سيستم بورش يعنى ممكن تجيب اجزاء العفشة من الالمانى والى يسبت انها سيستم بورش انها عند دوران العجل للاخر بيعمل زاوية ميل زى المرسيدس ويوم ما ال1600 عملت بيها حادثة كنت هغير الشمعدان بشمعدان باسات 2009 استيراد
وبالنسبة لللوجان انا ماركبتهاش بس انا ماجبش عربية 1600 و86حصان اعمل بيها ايه
وكمان عالية جدا من على الارض
بس طبعا هيا عربية واسعة جدا من جوا بس تابلوة بتاعها مش شيك وديه طبعا ازواق
انا عايز اعرف حضرتك عايزها عشان ايه عشان اقدر اقولك انه عربية انسبلك

رد: اى معلومات عن الfrv انا تحت امركم
 

ان شاء الله هعملكم تقرير مصور عن العربيتين وهجبلكم صورها والفرق ما بينهم