مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   عالم تأمين السيارات (https://www.masrmotors.com/vb/forumdisplay.php?f=61)
-   -   تجربتى مع شركة زفت الطين و البرك اسكان (https://www.masrmotors.com/vb/showthread.php?t=119378)

dozo012 06-10-2013 06:55 AM

تجربتى مع شركة زفت الطين و البرك اسكان
 
بعد ما جبت عربيتى هيونداى اكسنت RB فى 14-8-2013 و دفعت 3800 جنيه تامين شامل بدون تحمل بعدها بحوالى 6 شهور حصلى حادثة على الطريق السريع و ربنا لطف واحد كان ماشى ادامى على الطريق و كنا ماشين على الشمال و فجاة وقف بدون سبب طبعا على ما كبست فرامل الحربية جبته و طار فيها الرفرف الشمال و الفانوس الشمال و فيبر الاكصدام و شغل سمكرة بسيط الحادثة كانت يوم الجمعه و فضلت اتصل بالشركة الهباب دا ان حد يعبرنى او يقولى اعمل ايه مفيش لحد بوم الحد ما ردو و قالولى حد هيكلمك و محدش عبرنى و اتصلت تانى حد هيكلمك و بردو ولا حد عبرنى و فى الاخر قالولى صور العربية و لو التكلفة تحت ال10000 هيتم صرف التعويض و هات فواتير بالحاجه الى جبتها و تم بالفعل ولا حد عبرنى ولا عرفت اخد معاهم لا حق ولا باطل و كل مرة حد هيكلمك يا فندم ولا حد بيكلمنى ولا بيعبرنى اصلا و لفيت على اكتر من مركز و سالتهم هل بيتعاملو مع الشركة دى من المراكز الى اعرفها ولا واحد شكرلى فيها و قالولى هى لا بتصرف لليك ولا للشركات ولا مراكز الصيانه و صلح العربية على حسابك و امرك للة و صرفت حوالى 3 الف جنيه من جيبى مخدتش منهم ولا مليم منهم و فى نهاية مدة التامين بيتصلو بيا لتجديد الوثيقة يعنى فجاة افتكرو انى عميل عندهم و انى متسجل عندهم و تعالى يلا ادفع اتجننت عليهم و شتمت الى بتتصل و قلتلها محدش فيكو يتصل بيا تانى و انا من يوم ما الوثيقة انتهت لا عارف انقل التامين على شركة ايه محترمة ولا جددت الرخصة و ربنا يستر ياريت الافادة ايه احسن شركة تامين محترمة و هل فى شركات بتقبل بتقسيط مبلغ التامين ولا لا علشان لو حصل حاجه تانى و رفضو سداد فلوس التامين يبئا انا كمان مش هسدد لهم ولا مليم ما احنا مش بنلاقى الفلوس دى فى الارض علشان يقلبوها مننا كل سنه اونطة برجاء الافادة

و دى صورة العربية لما عملت الحادثة

http://www9.0zz0.com/2013/10/06/03/368176701.jpg
http://www9.0zz0.com/2013/10/06/03/641707659.jpg

Marlborooo 06-10-2013 07:10 AM

رد: تجربتى مع شركة زفت الطين و البرك اسكان
 
شكرا للتحذير وربنا يعينك وان شاء الله حد يفيدك بشركة تامين كويسة

svneleven 06-10-2013 09:51 AM

رد: تجربتى مع شركة زفت الطين و البرك اسكان
 
ابتسم أنت في مصر. ربنا يعوض عليك لكن ليه ما كلمتش حماية المستهلك؟ مش ده بيبيع سلعة بردو؟

تامين سيارات 06-10-2013 12:33 PM

رد: تجربتى مع شركة زفت الطين و البرك اسكان
 
لا حول ولا قوة الا بالله العلى العظيم

هل تم الاصلاح بدون عمل معاينه قبل الحادث ؟

اعتقد ان المقصود ب ال10.000 جنيه انهم يقصدو ان لو التكلفه عدت 10 الاف تعمل محضر شرطة اما لو اقل تعما الاصلاح بدون محضر انما تعويض و اصلاح بدون معاينه قبل الاصلاح غريبه اوووى

ولا يهمك تنورنا فى قناة السويس للتامين

sayif 06-10-2013 12:41 PM

رد: تجربتى مع شركة زفت الطين و البرك اسكان
 
عزيزي

امن عند شركة غبور لاانة هو وكيل هونداي

نفس المشكلة حصلت مع مالك سيارة امكراند واكن مامن عند شركة ودخل في وجع راس ومشاكل مع

شركة التامين لذا الافضل الاتامين مع غبور حتى تخلص من مشاكل الادراية وضياع الوقت


مع التقدير


الساعة الآن 08:52 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017