قررت شراء سيارة
 

كنت فاكر ان شراء سيارة امر سهل من حيث اختيار السيارة المناسبه ولكن عند الجد وقعت في حيرة شديدة بسبب كثرة و اختلاف الاراء في كل موديل اختارة ولنبدأ
محتاج سيارة عائليه للسفر حوالي 500 كم
كانت الاراء:-
بعد ذكر بعض المميزات يبتي درس مطول من العيوب
قلت اجيب فرنا 2011- واطيه . صاج ضعيف . الخ
دايو2004 - سحبها ضعيف . فرامل ضعيفة .....
ميجان2005 - قطع غيار نار - فتيس - كهربا- كارت بيملح وانتوا اكيد عارفين خفه دم المصريين
قلت خليني في الياباني
لانسر غاليه عليه شويه
يارس 2006 - ضيقه . خفيفه شويه هوا يطيروها
انا فعلا زهقت رحت داخل على المنديات لاقيت حاجه اغرب يا مع السيارة ويدافع عنها بكل ما اوتي من قوة يا يجيب سيرة اب و ام اللي عمل العربية
ده مش هجوم على احد اعرف ان السيارة ازواق وكل واحد يركب اللي يناسبه بس ده مخليني متحير جدا واظن كثيرا مثلي ممن ليس لهم سوابق
برجاء المساعدة واسف على الاطاله بس انا بقترح لو في صفحة للمقارنات السريعة بحيث الواحد يختار موديلين او اكثر وتكون شامله كل شي حتى اسعار قطع الغيارمحدثه بدلا من كثرة الاشاعات

أبو كريم

رد: قررت شراء سيارة
 

ايه يا رجاله مفيش ولا رد

رد: قررت شراء سيارة
 

أولاً مفيش سيارة مفيهاش عيوب
الأقرب للكفاءة و تلافى العيوب من وجههة نظرى السيارات الألمانى بوجه عام و المرسيدس بالأخص (مشاكلها نادرة)

أى حاجة غير كده مليانه عيوب و ده طبيعى
أنا طبعاً معرفش إمكانياتك إيه
بس من كلامك كده بتحاول تبعد عن العيوب قدر الإمكان
وجههة نظرى: يا دايو لانوس و يفضل تكون 1 (موديل قبل 2000) بس شرط تكون حالتها جيده جداً علشان متتعبكش
يا إما لانسر كريستاله (قبل 2004), اللانسر محترمه جداً
و إللى بتنافسها برضه الصنى (رغم إنى مش بميل لشكلها فقط)
و أهم حاجه حتى لو إنت مسافر بماروتى, متخليش الطريق يغرك و تجرى علشان تحس إن العربيه (أياً كان نوعها) ثابته و فراملها قوية و و و و و

رد: قررت شراء سيارة
 

شكرا لرد حضرتك الذي ينم عن ثقافة واسعة
انا مع حضرتك في كل حرف وزي ما بيقولوا الغالي هو الرخيص
اما بالنسبه للمساعدة اللي انا محتاجها واللي ممكن تكون فائدة للجميع
انا بقترح لو في صفحة للمقارنات السريعة بحيث الواحد يختار موديلين او اكثر وتكون شامله كل شي حتى اسعار قطع الغيارمحدثه بدلا من كثرة الاشاعات

رد: قررت شراء سيارة