أرجو المساعدة..وشكرًا
 

رد: أرجو المساعدة..وشكرًا
 

سعر الأوتو حاليا في الطارق 83500
أنا سألت في موضوع التقسيط ده كتير والمصاريف كلها كالآتي:

بتدفع مقدم لا يقل عن 25% (برده اتأكد من النسبة ديه)

الباقي لو قسطته على سنة بتبقى الفايدة 8.5% من الباقي
ولو على سنتين 9% على كل سنة يعني 18% إجمالي
لو 3 سنين 9.2% .. لو على 4 سنين 9.4% ولو على 5 سنين 9.5%

بالإضافة إلى مصاريف إدارية بتدفعها في الأول قيمتها 1.3% من سعر العربية كانت على اللوجان المانيوال فول أوبشن اللي سعرها 73500 حوالي 660 جنيه

بالإضافة إلى حظر بيع على العربية لحد ما القسط يخلص علشان البنك يضمن حقه، وممكن تنقل ملكيتها بشرط أنك بتنقل الأقساط بإسم المالك الجديد وديه شغلانة طويلة

بالإضافة إلى تأمين إجباري على العربية علشان لو عملت لاقدر الله حادثة وقلت مش دافع .. يبقى شركة التأمين تصلح والبنك يحجز على العربية :)
والتأمين ده مش فاكر بيبقى تقريبا 3 أو 3.7 في المية من سعر العربية سنويا يعني بالنسبة للمانيوال كان عند الشراء بتدفع تأمين سنة 2770 جنيه .. وطبعا التأمين ده وجع دماغ مع كل الشركات ومش بيدفعلك كل تمن التصليح ..
وقيمة التأمين السنوي ده بتقل بنسبة 10 في المية سنويا بيسموها نسبة إهلاك يعني تاني سنة حاتدفع حوالي ألفين ونص وهكذا ..

بيني وبينك التقسيط في العربيات خراب بيوت .. الأفضل لو انت مصمم خد قرض من البنك بضمان الوظيفة على 7 سنين بتبقى فايدته نفس فايدة تقسيط ال5 سنين ومن غير ما تدفع مصاريف إدارية ولا تأمين وجيبها فوري .. طبعا القرض فيه ناس حاتقولي ربنا مش حايبارك وحرام .. الله أعلم .. بس اللي أنا شايفه إنه التقسيط برده قرض حتى لو البنك اشترى العربية وباعهالك تقسيط ديه مجرد تحايل على فكرة القرض الربوي ..

وربنا يوفقك

رد: أرجو المساعدة..وشكرًا
 

نسيت أقولك حط في الحسبان الترخيص 3 سنين ونمر جديدة حوالي 1200 إلى 1500 .. ولازم تفرشلها فرش جلد علشان حاتلم تراب معاك وده أقل حاجة 700 جنيه بالمصنعية.
بالنسبة للصيانة مش مكلفة طالما أنت في الضمان يعني أول 5000 ببلاش .. ال10000 بحوالي 400 أو 500 مش فاكر .. ال15000 ببلاش وال20000 بحوالي 800 وهكذا وحتلاقي موضوعات هنا فيها أسعار الصيانة بالظبط ..

رد: أرجو المساعدة..وشكرًا
 

بالنسبه للترخيص انت حترخص سنه واحده بس عشان تقسيط وحتتكلف حوالي 500جنيه تقريبا
ولو عايز فرش حتجيب فرش جاهز بيبدا من 250 جنيه وارضيه 300 الاتنين بالتركيب حوالي 650 جنيه

ومش حتصرف حاجه عليها تاني غير استهلاك بنزين وده علي حسب مشاويرك

يعني انا عندي عشان في عربيه تانيه شيلاني فكل 3 او 4 ايام مثلا احطلها ب 25 جنيه بنزين او 30 علي حسب
وقول لو حتغسلها مره في الشهر ب20 جنيه

يعني قول 200 جنيه في الشهر بنزين وغسيل
غير قسطك بقي شوف حتدفع فيه كام
ونصيحه متزنقش نفسك لان الواحد بيجيب العربيه عشان يرتاح وفعلا القسط مش بيريح
لو المبلغ في المتوسط ممكن تشوفلك واحده استعمال:Wkiss5:

رد: أرجو المساعدة..وشكرًا