ارجو المساعده مشاكل النيو اكسنت ظهرت بعد شهرين من الشراء
السلام عليكم وكل عام وانتم بخير
النيو اكسنت اللى معايا شريها بقالى شهرين وظهرت فيها المشاكل مره وحده أولا : صوت الماتور عالى خصوصا لما اشغل التكييف ثانياً : السحب بتعها ضعيف لما بكون على الرابع على ار بى ام 3 السرعه بتبقى 85 كيلو والكلام ده من غير تكييف فهل ده طبيعى ؟ ثالثاً : فى سخونيه عند الدوسات ونفس الموضوع فى شنطة الطابلوه رابعاً : المشاكل دى ما ظهرتش غير بعد صيانة 5000 الاف واتصلت بعديها 16101 وقدمت شكوى وبقلهم اسبوع محدش عبرنى خامساً : اسواء خدمه ومركز صيانه هو غبور وبيتهيالى لو وقفت على عربيه فول هتبقى المعمله احسن منهم رجاء من الاخوه الافاضل يقلولى حل للمشاكل اللى عندى وايه اللى اتبعه مع التوكيل عشان يرجعلى العربيه زى ما كانت . |
رد: ارجو المساعده مشاكل النيو اكسنت ظهرت بعد شهرين من الشراء
السلام عليكم ورحمة الله وبركاتة
لابد انك ترجع للتوكيل تانى ومش تمشى من عندهم غير لما يكشفوا على العربية تانى خصوصا ان المشاكل دى حصلت بعد عمل الصيانه عندهم وتمسك بحقك ومتسبهمش وخد معاك الفاتورة طبعا , كل المشاكل اللى ذكرتها دى مش طبيعية طبعا خالص |
رد: ارجو المساعده مشاكل النيو اكسنت ظهرت بعد شهرين من الشراء
اتصل ب 16101 وقولهم عايز حجز بعيب في العربية وخد رقم الحجز واطلع علي ابو رواش علشان ده المركز الرئيسي وادخل قولهم علي المشاكل ديه ولو متحلتش عليك وعلي جهاز حماية المستهلك
|
رد: ارجو المساعده مشاكل النيو اكسنت ظهرت بعد شهرين من الشراء
اقتباس:
ا/ ياسر مناع : 0101779490 ا/ شاهر يوسف : 0101764212 وربنا يقدملك اللى فية الخير ان شاء الله |
رد: ارجو المساعده مشاكل النيو اكسنت ظهرت بعد شهرين من الشراء
فعلا حضرتك تطلع على ابورواش و تشوف حل مع الناس دى .
و برده علشان ماتقلقش نفسك على الفاضى ، ممكن تكون حاجة عارضة و بسيطة و بأذن الله تتظبط و العربية ترجع احسن من الاول ؛ |
الساعة الآن 03:33 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017