تعبت مع الدايو ليجانزا و اعطالها و ارجو المساعدة العاجلة
 

السلام عليكم ايها الاخوة الكرام
لقد اشتريت من شهر سيارة دايو ليجانزا 1999 اتوماتيك و فى اول يومين كانت تعمل بشكل جيد و قد كان هناك عطل بالتكييف و قد قمت باصلاح الكباس و شحنت الفريون و عندما مشيت بالسيارة ثانى يوم فجاة و فى الزحام وجدت السيارة رعشت و بطلت فظنيت انه الكهرباء وحمل التكييف فقمت باعادة تشغيل السيارة و لكن رفضت و اكتشفت ان سير الكاتينة انقطع رغم انه لم يعمل سوى حوالى 15000 كم و طبعا جابت 6 صبابات فقمت بتغيير الصبابات التالفة و تغيير السير باخر اصلى ماركة بوش مع تغيير البلى و تغيير البوجيهات و جوان وش السلندر و بعد الانتهاء من التصليح اكتشفنا تسرب للمياة فقمت بتغيير الطلمبة و الخراطيم .
و بتجريب السيارة و فى الزحام وجدت السيارة بطلت مرة اخرى فخفت من تكرار قطع السير و لكن وجدت السير سليم فقمت بتشغيل السيارة فدارت ولكن ظلت المشكلة تتكرر باستمرار و خاصة فى الزحام حيث يحدث اثناء دوس الفرامل و قبل التوقف مباشرة او اثناء التتوقف رعشة بسيطة للسيارة مع احساس بعلو و انخفاض فى كهربة السيارة ثم تبطل السيارة و عند اعادة التشغيل تدور عادى وهذا العيب يسبب لى الكثير من المشاكل حيث انه يحدث فى الزحامز
فى البداية قالى الميكانيكى التبريد للموتور و شيكنا على دورة التبريد و وجدناها جيدة
ثم اخبرنى بفحص الكهرباء و فحصتها و وضعناها على الكمبيوتر و كانت نتائجها جيدة جدا ثم اخبرونى بتنظيف بوابة الانجيكشن و ايضا ظل نفس العيب ثم اخبرونى بوجود مشكلة بالشكمان و رجوع العادم للموتور فقمت بتغيير علبة الشكمان و الفلتر و ايضا استمر نفس العيب و اصبحت لا ادرى ماذا افعل فقد قمت بكل شىء و لا نتيجة و الله العربية دى تعبتنى و جبتلى الضغط حيث من وقت شراءها قبل شهر حتى الان وان بلف بيها على الميكانيكيا و الكهرباءيا
هناك عيب اخر و لا ادرى مدى اهميته او تاثيره على المشكلة السابقة و هو ان الفتيس الاتوماتيك عندما تنقل من ال p الى R يحدث هبدة وضربة بصوت عالى يقل قليلا عند النقل الى D سالت الميكانيكى فقالى الكوبلن اليسار و قمت بتغييره هو الاخر و لكن استمر صوت الهبدة فاخبرنى ان المشكلة فى الفتيس نفسه و لكنه غير مؤثر حيث ان السيارة تاخذ الغيارات بتاعتها عادى دون اى صوت و دون احساس بالغيارات اثناء السير.
و يوجد عيب اخر و هو ان استهلاك البنزين عالى جدا حيث تستهلك فى ال100 كم حوالى 25 لتر بنزين 92 مع ان بسؤالى عن المتوسط الطبيعى فكان الاتى
فى الزحام و داخل المدينة من 10 الى 11 لتر لكل 100 كم
فى الطرق المفتوحة من 7 الى 8 لتر لكل 100 كم
اذن من الواضح انها تستهلك الضعف فما السبب و ما هو العلاج
ارجو من الاخوة الكرام و من كل من يستطيع مساعدتى الا يبخل عليا بالحل جزاكم الله خيرا واسف للاطالة و لكن الهدف كان وضع تصور كامل لما يحدث للمساعدة فى ايجاد الحلول

رد: تعبت مع الدايو ليجانزا و اعطالها و ارجو المساعدة العاجلة
 

العربية دى فيهاعيب تصنيع فى الفتيس واحد الاسباب الى عشانها وقف انتاجها وانصحك اخلص منها ودة رقمى لمزيد من التفاصيل 0101596609
مهندس/مينا عصام

رد: تعبت مع الدايو ليجانزا و اعطالها و ارجو المساعدة العاجلة
 

يعنى اللى حضرتك بتوصفه ده صعب يبقى له تخمين واحد غير انها زى ما بيقولو بالبلدى فاتحه بقها
وده بيحصل لما العربيه تكون مع حد مهم فى صيانتها (المستخدم السابق) ومش ايده فيها ولما بتبوظ حاجة مش بيجيب قطع اصليه

العربيه فى الحالة ديه اما تخلص منها او تشدها كلها فى مركز خدمة محترم يستبدل كل القطع المنتهيه الصلاحيه سواء كانت شغاله نص نص او عطلت خالص

لان نظم العربيه متكاملة بشكل كبير وممكن حاجات كتير تؤدى نفس المشاكل مثلا زى ما اتقال لحضرتك ممكن تكون مشاكل كهرباء مش مظبوطة وممكن توقيت الاشعال او منظومة الاشعال والحقن وممكن تغذيه الوقود طلمبة وخراطيم معلش هى محتاجه صبر شويه والاهم تكون بتعمل الصيانة فى مركز كويس

رد: تعبت مع الدايو ليجانزا و اعطالها و ارجو المساعدة العاجلة
 

رد: تعبت مع الدايو ليجانزا و اعطالها و ارجو المساعدة العاجلة
 

سلامو عليكم
والله ربنا يكون في عون اي حد معذباه العربية
بس يا ريت كلنا نعرف امته نتخلص من العربية ,, لأن زي مانت شايف دي مش مشكلة ولا اتنين دول كتير , فبدا ما تقعد تجري و تصلح و تصرف و من غير فايدة .. استخير ربنا و اخلص ( ينشا الله حتى بخسارة ) منها قبل ما تخلص على ميزانيتك وربنا يعوض عليك
ولو دماغك في الليجانزا ( وده مش رأيي ) هاتلك واحدة تانية متجربة
والله انا عندي ابيعها بخسارة 3 الاف جنيه احسن من حرقة الدم و الفلوس و العطلة اللي هيا ناوية عليها
بس برده ممكن تشدها شدة عالصح و تريح بالك سنين قدام ,, بس اعمل حسابك في غيارها الغالي
و ربنا يعمل اللي فيه الخير