مصر موتورز مجتمع السيارات - إستشارة من خبراء الميكانيكا فى سبرانزا 516

العربية 516 موديل 2008
كان فيه مشكلة بعد ما جبتها إن العربية بتتكتم عند أى مطب صناعى أو تهدئه وطبعا كنت لازم أنزل للغيار الأول
وكنها فى السير والسحب تمام التمام

ذهبت للميكانيكى وحكيتله المشكله وجربها وقالى البوجيهات وحشه لازم تتغير. قلت أوك

فكها ولقاها واحد شمعه قالى حرام العربية دى عايزة 3 شمعه خصوصا إنها غاز طبيعى

جبنا طقم بوجيهات 3 شمعه وركبناه، والحقيقة السحب بقى أفضل كتير ولكن ظهرت مشكلة لم تكن موجوده مع البوجيهات الواحد شمعه القديمة الوحشه وهى:

كنت الصبح بدرى بعد الفجر (لأن شغلى يستلزم النزول مبكرا) أفتح الباب وأدور العربية ثم أقوم بمسح الزجاج والسيارة حتى تسخن والحقيقة كانت بتدور من تكه واحدة.

بعد تغيير البوجيهات إلى دنسو 3 شمعه أصبحت لا يمكن تدور من تكه ولا 2 ولا 5
أقعد أفتح الكونتاكت وأدور ومتلقطش، أقفل وأعيد التجربة وهكذا 6 أو 7 مرات حتى تدور

وأستمرت هكذا علما بإنى بعض الأيام أنزل مثلا الساعه 10 أو 11 ظهرا مثل يوم الجمعه تدور من أول أو تانى مرة

غيرت فلتر البنزين، ولا نتيجة، البطارية جديدة جافة 70 أمبير

أخيرا بعد شهرين من العذاب اليومى والمشكله زادت وأصبحت تتأخر فى الدوارة لو إتركنت العربية ساعه أو ساعتين

الميكانيكى رجع قالى نغير البوجيهات تلاقيها واخدة رطوبه، قلت ماشى عاوز أخلص

جبنا طقم بوش 3 شمعه وركبناه والمشكلة لقيتها هى هى لما جيت أدور تانى يوم الصبح

قالى غير فلتر الهواء ونظف بوابة الثروتل بالمنظف وبردة الصبح المشكلة هى هى

أغيثونا يرحمكم الله أنا زهقت

ياريت لو المشكله دى قابلت حد يدلنى على الحل
ولكم جزيل الشكر