افادة عن مشاكل اللوجان
 

انا اشتريت لوجان full option من اسبوع والحمد لله والحقيقة انا مرتاح ومبسوط جدا من السيارة
وكان الفضل بعد الله الى هذا المنتدى الناجح فى اختيار اللوجان وبصراحة انصح اي حد يشتريها
ولكن هناك بعض الملاحظات ظهرت معايا ارجو من الاعضاء الاجابة عليها
1- وجود زنة خفيفة فى دواسة البنزين
2- عند السير بالسيارة اشعر بزنة فى دواسة الدبرياج جامدة بالاضافة الى ان الدبرياج عالى شوية
مش عارف هل السيارة تصميمها كده ولا اروح للتوكيل

يرجى الافادة

رد: افادة عن مشاكل اللوجان
 

السلام عليكم الف مبروك و ربنا يديك خيرها و يبعد عنك شرها باذن الله ROSE4U
زنة دواسة البنزين طبيعية و هي خفيفة جدا و معظم الوقت مبحسش بيها و الدبرياج عندي عالي فعلا لكن هوا ناعم اوي و خفيف لكن مفيش الزنة الجامدة الي حضرتك قولت عليها
ممكن تسال العضو ringoo او renault 18 هيفيدوك باذن الله
تقبا تحياتي

رد: افادة عن مشاكل اللوجان
 

انا ذهبت الى التوكيل اليوم لضبط الدبرياج وفعلا تم ضبط الدبرياج
لكن المشكلة الحقيقية فى صوت صفارة الهواء - عند فحص السيارة من الفني وجود عيوب فى تقفيل السيارة حيث وجد ان الباب الامامي شمال مش مطبع على الجوان وبسبب كده عامل تسريب هواء خفيف جدا بيسبب صوت الصفارة وطبعا حاول اكتر من مرة ضبط الباب لكن المشكلة مازالت قائمة عند السرعات العالية الصوت بيظهر وباسمع صوت الصفارة
بصراحة زهقت فى الاخر ومشيت من غير ما يصلح العيب ده
اعمل ايه مع التوكيل علشان العيب الرزل ده يتصلح

رد: افادة عن مشاكل اللوجان
 

انا برده عندي نفس الحكاية بس بصراحة مركزتش معاها على انها عيب و تقريبا كل العربيات الي ركبتها كانت فيه نفس القصة و بالنسبة ليا انا بمشي في عز دوشة الطريق سواء جوة البلد او دائري يعني و تقريبا مسمعتش الصوت ده غير مرتين بس فمش فارقة معايا اوي
ممكن تحاول تتعود عليه يا ا/ ابو جمال

رد: افادة عن مشاكل اللوجان
 

بصراحة المشكلة ان الطريق اللى بامشي فيه يوميا طريق سريع ( طريق بلبيس الصحراوى ) والمشكلة بتظعهر بعد سرعة 90 ك صحيح ان الصوت خفيف مش جامد بس بصراحة رخم جدا
وفيه حاجة كمان السيارة عاملة الان معايا الان 730 ك ومتوسط استهلاك البنزين 9 لتر / 100 كيلو متر يا ترى هو ده الاستهلاك العادى ولا استهلاكها عالى شوية خصوصا انى قرأت فى المنتدى ان متوسط استهلاك السيارة 7 لتر / 100 كيلو - ارجو الافادة