رد: كل شئ عن تريوس1997 - 2001
 

بس اه اخبار قطع غيارها
فى ناس بتقول انها مش موجودة اساسا او نادرة هل الكلام ده صحيح

رد: كل شئ عن تريوس1997 - 2001
 

مساء الخير انا عضوه جديده وطبعا يمكن غريبه اني واحده بنت او ست تبقي في منتدي للعربيات :) ما علينا المهم انا عجبني الموضوع ده جدا وخصوصا اني حاليا معايا التريوس 2000 اتوماتيك
ومكنتش اعرف معلومات عنها كتير بس ليا سؤالين محتاجه اجابه ليهم
انا فعلا اتقالي موضوع الكوتشات اني الاحسن ليا اني اجيب كوتشات اعرض عشان تقبقي فيها استبلتي اعلي ومفهمتش ايه الي هيخلي الكاوتش الاعرض هيخلي الاستبلتي اعلي ليه :) ومعلش بردو مفهمتش ليه نوع الكاوتش يبقي معين
الحاجه التانيه انا اتقلي اني بلاش اجري بالعربيه يعني اخري 80 مع اني كان قبلها معايا هيونداي اكسل كنت بجيب بيها 130 مرتاح :) فازاي المفروض العربيه دي تبقي اعلي من الهونداي وطبعا اتقالي عليها انها خفيفه جدا وده الي لاحظته في الملفات مش في الطريق الطوالي يعين المنحنيات فعلا بحس انها بطير
ثالثا بقي عن قطع الغيار يعني معلش استحملوني انا عملت حادثه بيها دخلت في عمود :( فطبعا كنت محتاجه اعرف ثمن
الكبوت القدماني طبعا والشبكه والاقصدام والرداتير والسربنتينا بتاعت التكيف
وهل لما دول يتظبطو ترجع العربيه زي الاول وله هلقي نفسي دخلت في دوامه؟

رد: .....<<<<<<<<<<< كل شئ عن تريوس1997 - 2001 >>>>>>>>>>>>>
 

اكيد الفيرنا صلونها اوسع كتير عن التريوس :)
بس الصراحه التريوس اجمل كتير

ارجو الرد على مشكلتى بخصوص تيريوس اتوماتيك موديل 2000
 

السلام عليكم يا اصدقائى الاعزاء اريد مساعدتكم فى الموضوع التالى بخصوص تيريوس 2000 اوتوماتيك لسه شاريها من شهر:
1. صوت العربيه عالى مع انى روحت للمهندس سيد الفراش وقالى محتاجه كلاتش للمروحه وغيرته فعلا لكن صوتها مش كويس
2. سحبها من السكون اى من الوقوف تماما الى الحركه وبالاخص فى مطالع الكبارى بطىء جدا بحس انى انا بدوس بنزين كتير والحركه قليل وفى الوقت ده بسمع صوت شخلله غريبه مش عارف من الموتور ولا الشكمان ولكن على الطرق السريعه بتجرى كويس لحد 120
3. يوجد زيت كتير تحت كارتيره الزيت مغرق الشاسيه تحت الكارتيره مباشر ولما بعدى سرعة 80 لمبة الزيت تضئ اضاءة خافته وتختفى واحيانا تسبت علما بان الحراره مش بتزيد لانى كل شويه بشوف منسوب الزيت وازوده لو نقص وريت العربيه لميكانيكى جنبى فى التجمع قالى محتاجه تغير جوان جوان كارتيره واولسى كرانك ومن الافضل نغير طقم جوانات كامل للموتور طالما هنخرجه علشان اولسيهات الكرانك ماعدا طبعا جوان وش سلندر لن يتغير
وقالى محتاجه نغير لها سيور وبوجيهات وفلتر زيت وبنزين وهواء ومحتاجه نظبط لها تاكيهات
3. العربيه استهلاكها للبنزين داخل القاهره 370 كيلو متر /40 لتر وفى السفر على الصحراوى حوالى 390 او 400 كيلو متر / 40 لتر استهلاكها ليه عالى مع انها 1300 سى سى
4. الدفع الرباعى بتاعها لما بشغله بتظهر لمبه فى التابلوه انه شغال بس بحس انى العرببه مش طبيعيه او مش شغال اساسا والمبه وهميه لما قولت للميكانيكى الى جنبى قالى لما نظبط الحاجات الى فى العربيه فى الاخر نشوفه وهل الكرونه الاماميه والخلفيه بتتزود زيت او شحم
5. لما باخد مطب هواء على الطريق العجلتين الى قدام بيعدوا عادى لكن العجلتين الى ورا بحس بخبطه كأن العربيه فيها حاجه خبطت فى الارض
ارجو الافاده يا اصدقائى الاعزاء لانى متشائم شويه ونفسى افرح بالعربيه لانى لسه شاريها وهل بعد ما اغير الحاجات الى الميكانيكى قالى غيرها العربيه هتتظبط ولا ايه
ياريت الى عنده فكره او خبره فى العربيه دى يساعدنى
وياريت حد يقولى اسعار الحاجات دى كام تقريبا واشتريها من اى محل وهى كالاتى:
طقم جوانات كامل للموتور اصلى
طقم سيور كامل ( سير كاتينه بالبلى _ سير باور _ سير دينامو )
فلتر بنزين
فلتر زيت
فلتر هواء
طقم بوجيهات 2 شمعه