سيارة بي واي دي الشكل الجديد 2015 ( L3 )
 

سؤال للاعضاء الكرام انا سمعت ان ماركة بي واي دي ليها سمعة ممتازة من حيث انها عمليه جدا وسعرها معقول مقارنة بالمركات الاخري للسيارات وناس كتير شكرولي فيها وقالولي ان ماتورها ماتور لانسر بوما وعفشتها عفشة التويوتا وبالتالي فان قطع الغيار متوفرة وباسعار معقولة فقلت اشتري جديد منها ولكن لاقيت ان الجديد منها مغيريين الماتور بماتور الهوندا سيتي كمان لاقيت انهم منزلين شكل جديد بكماليات حلوة وسعر معقول وهي لسه نازلة قريب ولكن انا قلقت لما لاقيت الماتور مختلف وطبعا الشكل الجديد لسه مالوش قطع غيار في السوق لكن تاجر قطع غيار متخصص في العربية دي قالي متقلقش خالص كلها شهرين تلاته وهتلاقي قطع غيارها ماليه السوق زي الشكل القديم بالظبط يعني بختصار الشكل الجديد فيه ماتور هوندا سيتي وعفشة التويوتا وطبعا شكل خارجي مختلف فطبعا حاسس ان لو حجزت العربية دي كاني بغامر بصراحة فلو حد من الاعضاء الكرام يكون بيفهم في العربية دي كويس يقدر يقولي ويفيدني في الموضوع بختصار اتوكل علي الله واحجز العربية دي ولا اصرف نظر عنها من الاخر وشكرا

رد: سيارة بي واي دي الشكل الجديد 2015 ( L3 )
 

انا شوفتها على الطبيعة
فعلا عربية ممتازة
اكتر حاجة عجبتنى فيها شكل عصايا الفتيس الاوتو الحارات
كمان الطابلوة وبكر التكييف رائع
ومكتوب على العربية ان الموتور VVTيعنى استهلاك بنزين اقل
بالنسبة لقطع الغيار متخفش منها ...الجيلى بقى ليها قطعيات فى الحرفيين

رد: سيارة بي واي دي الشكل الجديد 2015 ( L3 )
 

طيب ايه نظام الماتور الجديد هل منه خوف انه مثبتش وجوده زي الماتور السابق بتاع المتسوبيشي ولا ايه؟؟؟؟؟