مصر موتورز مجتمع السيارات - الدركسيون سوجر واحنا مشيين على الصحرواى

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - الدركسيون سوجر واحنا مشيين على الصحرواى (https://www.masrmotors.com/vb/showthread.php?t=88180)

الدركسيون سوجر واحنا مشيين على الصحرواى

الدركسيون اقفل واحنا بناخد غرزة على الصحرواى والحمد لله ربنا ستر كنا هنموت الموضوع ده حصل معايا انا واحد صاحبى فى عربية ريجاتا وبعد عدة محاولات ووضع زيت فرامل على المفتاح ووضع زيت الفرامل داخل الكونتك تم تشغيل السيارة والحمد لله بس اول موصلنا إسكندرية غيرنه علطول وحصلت قبل كده فى عربية مرسيدس والدركسيون اقفش هل حد حصل معه الموضوع ده اقبل كده وعمل ايه والعيب من ايه وايه اللى خله يعمل كده يريت لو حد يعرف يقولنا علشان الموضوع ميتكررش معنا او مع حد فى المنتدى ياريت الردود بسرعه الموضوع هام جدا.

أخوكم محمد

رد: الدركسيون سوجر واحنا مشيين على الصحرواى

حمدالله على سلامتك انت وصاحبك... بصراحة أنا مش متخيل لو كنت مكانك كنت حتصرف إزاي

أنا متهيألي إن الموضوع ده يكون بسبب مشكلة في الرولمان بلي بتاع الدركسيون... يعني يبقى مبوّش ويخلي عمود الدركسيون يتحرك فوق وتحت

أو ممكن برضو تكون صليبة الدركيون مبوشة وتخلي عمود الدركسيون يتحرك بالطول... يعني الدركسيون يدخل في اتجاه الأكس ..

اكشف على الدركسيون وشوف إيه الحركة غير الطبيعية الموجودة فيه، لإن المسوجر بيبقى عبارة عن صباع بيدخل في مشقبية وممكن المسافة بينهم تكون قربت شوية

اكشف برضو على الكونتاك وشوف إذا كان الصباع بيبعد عن الدركسيون كفاية بعد مع تشغل الكونتاك

...

رد: الدركسيون سوجر واحنا مشيين على الصحرواى

من الواضح والاكيد ان العيب كان في الطبله مش عمود الدركسيون

رد: الدركسيون سوجر واحنا مشيين على الصحرواى

الف شكر ياجماعة على الردود احناغيرنا الطبلة بس كنت عايز اعرف السبب علشان نستفيد كلنا علشان متحصلش مع حد ويحصل ما لاتحمد عقباه وشكرا لحضرتكم.

أخوكم محمد

رد: الدركسيون سوجر واحنا مشيين على الصحرواى

اقتباس:

المشاركة الأصلية كتبت بواسطة borio1704 (المشاركة 684639)

...

الله يسلمك يا باشا وشكرا على ردك الجميل هو احنا بناخد الغرزة حودنا يمين والدركسيون سوجر والحمد لله الفضل فى نجاتنا ربنا هو اللى ستر والهم صاحبى التفكير السليم راح جاى مزود بنزين علطول ودخلنا فى الرمل اللى على الطريق وبعد ما غطسنا المفتاح فى زيت الفرامل كم مرة اشتغل تانى ورجعنا مكملنش مشورنا وغيرنا الطبلة علطول مع انه شغالة كويس وجربنه كذا مرة بس ديه أروحنا فاجبناواحد تانى علطول وشكر لحضرتك.

أخوك محمد