مصر موتورز مجتمع السيارات - انا مش عارف الفرق

السلام عليكم

اذيك يا استاذ احمد يارب تكون بخييييييير دايما

اهلا بحضرتك يا استاذ تامر .. انا هقولك ع الفروق الى حضرتك طالبها

اول اختلاف بين العربيتين المحرك ... المحرك فى لاستى EcoTecاوبل بيولد 138 حصان بينما المحرك الى فى الكروز محرك E Tec نفس محرك الاوبترا بيولد 107 حصان

نيجى للشكل الخارجى ... فريم فوانيس خلفية - الفوجات نيكل - اشارات فى المريات - الفوانيس الخلفية فيها فرق بسيط وهى عبارة ان نور الاستوب علية بلورة لكن كروز مصر مفتقدة لكل دة

الاوبشن .. جى بى اس - مرايات تعتيم ذاتى+ضم كهربى - تدفئة مقاعد - الفرش بالكامل جلد متوفر منة اسود او بنى او كحلى ... وشوفت برة مصر البيج بس مشوفتوش ع الطبيعية لسة وهو اجمدهم بصراحة .

4 زجاج كهربا اوتو ... بمعنى تكة واحدة بينزلو وتكة واحدة يطلع - التحكم انظمة الامان تعطيلها او تفعيلها

خامات التابلوة من جوة بتختلف ... الى فى اللاستى هتلاقية منقوش والسادة لميع ... فى الكروز مفيش الكلام دة

اللاستى بتنزل من غير استبن بس بتنزل معاها كمبروسور نفخ هوا وعلبة لحام بتسعف فى اى وقت ... وبصراحة جميلة جدا

دة غير فتحة السقف والبصمة وسمارت ستارت كار وجنظ 17 واقراص هوا امامى وخلفى

ملحوظة الكروز برة ولاستى واحد بالضبط ومفيش اى اختلافات ما بينهم بمعنى انا احنا هنا معندناش كروز ..... ولا شوفناها حتى

اة وفى حاجة كمان لو حابب تجيب لاستى لازم تبقى عارف انك هتدوخ معاها شوية لان قطع غيارها هتتعبك علشان توصلها ( هى عموما متوفرة فى بورسعيد وكمان فى القاهرة فى الحرفين القطم هناك بالهبل )

نصيحة اخرى ... اياك تجيبها مستعملة