بارومة فى ستروين AX برجاء المساعدة العاجلة
 

السلام عليكم

العربية فيها بارومة زى ما فى الصور كده الجنبين تحت الرفرف عايز اعرف تتصلح ازاى وبكام وتاخد وقت اد ايه وهل لو هشترى العربية وهصلح البارومة دى فيها مشكلة ولا بلاش اشتريها احسن ؟

رد: بارومة فى ستروين AX برجاء المساعدة العاجلة
 

البارومة من اسواء الحاجات اللى ممكن تهين العربية وتقلل من قيمتها ومشكلة البارومة انها زى السرطان لما تمسك فى جسم العربية مبتسيبوش الا بالبتر يعنى تقص الصاج وتركب مكانة رقعة على قدها ولحام وسنفره بقى والشغلانة ديه
المشكلة الاهم ان وجود بارومة بالشكل الواضح ده ممكن يكون مؤشر على وجود بارومة فى اماكن تانية بس مش باينة
انا شخصيا البارومة من الحاجات اللى ممكن تقفلنى خالص من العربية واشيل من دماغى فكرة شراها خالص
بس لو حاجة بسيطة وسعرها مغرى يبقى هروح ارفعها وابص عليها من تحت حته حته وافضل تاخد معاك سمكرى يشوفها

رد: بارومة فى ستروين AX برجاء المساعدة العاجلة
 

وديه طريقة تانية لمعالجة البارومة باستخدام الالياف الزجاجية ( معجون الفايبر)

https://www.youtube.com/watch?v=g_FDYbWs5eY

رد: بارومة فى ستروين AX برجاء المساعدة العاجلة
 

شكرا جزيلا لردك هى العربية صاحبها طالب 21000 موديل 95 1400 CC وهو كلمنى وقال انه راح لسمكرى وعمل البارومة دى بالفعل

انا اول مرة اشترى عربية عشان كده بستشير اهل الخبرة

رد: بارومة فى ستروين AX برجاء المساعدة العاجلة
 

هو عملها لما اتاكد انه مش هيعرف يبيعها كدة ... اتعملت صح ولا اى كلام الله اعلم .. لو عجباك اوى استخير ربنا وروح اكشف على كل حاجة صاج وميكانيكا وعفشه وتوكل على الله