يا حلاوتك يا أبيض يا سارقنى؟؟
 

مع الاعتذار لكل من يمتلك تاكسى ابيض بالمنتدى ؟؟
الموضوع بخصوص حساب التاكسى الابيض من المعروف انه بيكون فتح العداد 2.5 جنيه ودة لاول كيلو وبعد كدة اى كيلو ب 1.25 والدقيقة انتظار ب 25 قرش والساعة انتظار الاولى ب 15 جنيه واللى بعدها ب 5 جنيه ..اعتقد فى ناس كتير عارفة الموضوع دة ؟؟

انا طول عمرى كنت مديهم الامان بس مش عارف فى ايه حصل جديد؟؟

نيجى بقى للمهم انا امبارح كنت راكب تاكسى من محطة مترو الدقى ووصلنى لحد مديرية امن الجيزة والتاكسى اخد منى 4 جنيه وكدة تمام اوى ""فهل من المعقول وانا راجع ارجع ب 8 جنيه ونفس المشوار؟؟؟
بس وانا راجع فى حاجة انا لاحظتها ""ان كان فى فى نفس العداد تحت المكان اللى بيتكتب فيه الاجرة عداد شغال عددددد وبيزيد واحد بواحد وفجأة بمجرد ان انا بصيت على يمينى لقيت العداد العدد ذاد 50 مرة واحدة وعملت نفس الحركة مرة تانية ورميت وشى ناحية اليمين مع ان عينى على العداد من تحت النظارة لاحظت ان السواق وهو بينقل الغيارات بتاعته بيكون صباعه رايح ناحية العداد وخلال 5 ثوانى الى هما التفت فيهم يمين ورجعت تانى لقيت العداد ذاد كمان50 بالاضافة للعد الظبيعى الى هو الزيادة بالواحد ***قعدت طول الطريق باصص على العداد لقيته شغال بالواحد فى الزيادة ومجاش فى اى مرة زود 10 ولا حتى 5 ؟؟؟

هل دى طريقة جديدة فى النصب "مع الاعتذار لكل من يمتلك تاكسى " يعنى هل فى زر ممكن السائق يضغط عليه يزود الاجرة غير موضوع السياحى؟؟؟؟

معلش بقى اصل دى تانى مرة تتعمل فيا واول مرة رحن من ميدان سفنكس لشارع الازهر ب 25 جنيه ورجعت ب 15 مع ان الطريق كان ماشى فى المرتين الاتنين ومحصلش توقف للتاكسى

رد: يا حلاوتك يا أبيض يا سارقنى؟؟
 

رد: يا حلاوتك يا أبيض يا سارقنى؟؟
 

معلش كل فئة فيها الكويس وفيها الوحش والغش بقى فى كل حاجة بس سؤال لحضرتك وانت راجع الطريق كان زحمة اوى ولا عادى يعنى اخدت فترة زمنية قد ايه

رد: يا حلاوتك يا أبيض يا سارقنى؟؟
 

فعلا عندك حق انا ركبت تاكسى ابيض من مدينه السلام لحد احمد فخرى قدام البوابه الرئيسيه لسيتى استارز دفعت 22.25 وخلصت مشوارى وانا راجع من نفس المكان د مدينه السلام عمل 40 جنيه والطريق كان ماشى وانا رايح وانا جاى بس التاكسى التانى العداد كان بيجرى بطريقه فظيعه حتى انا قولت للسواق هوا الحصان اللى بيجرى ف العداد ده شارب حاجه ولا ايه بس اللى انا لاحظته انو كان بيحرق على الغيارات ف مش عارف مع الحرق ع البنزين اعداد بيجرى ولا ايه يا ريت لو حد عنده تاكسى ابيض يفهمنا

رد: يا حلاوتك يا أبيض يا سارقنى؟؟