مصر موتورز مجتمع السيارات - انــا .. وريـــنــــو لــوجـــان ... تقرير مفصل مصور عنها بعد امتلاكى لها ...

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...

اقتباس:

المشاركة الأصلية كتبت بواسطة ahmed_mido1313 (المشاركة 503188)

تقرير ممتاز

مستنين متابعة التقرير بعد الفترة اللي فاتت

وياريت اعرف ايه اخبار التكييف معاك خصوصا ان فيه ناس اشتكت منه ؟

وربنا يباركلك فيها

العربية الحمد لله جميله جدا ..

تكييفها ممتاز جدا ويشبه تكييفات اليابانى فى قوته .. له تأثير ملحوظ شويه على السحب ولكن مش مبالغ فيه .. وكمان ده قصاد كفائه تبريد عالية ..

ثبات العربية اكتر من ممتاز .. ودى كانت نقطه اختلاف هنا فى المنتدى ..

الناس - وانا واحد منهم - كانت فاكره ان العربية هيكون ثباتها سئ علشان عاليه وعفشتها مريحه وناعمه ..

والحمد لله اتضح ليا من تجربتى معاها على الطريق بسرعه 160 انها بلا ادنى مبالغة اثبت عربية فى فئتها ...

تصميم العفشه المتصلة بتاعها مخليها تتمتع بثبات هائل .. وكمان مقاس الجنوط والكاوتش الكبير مديها ثبات ممتاز ...

من خلال تجربتى معاها الفتره اللى فاتت ما زلت متضايق من تقل الباور .. وده بسبب انى من الناس اللى بتحب المناوره السريعة فى الزحمه .. والباور مش مساعدنى على كده اوى ..

ده بكل صراحه ..

لكن العربية الحمد لله اكتر من ممتازه .. وعلشان كده انصح بيها اى حد مقبل على شراء عربية بفئه السعر دى ....

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...

اقتباس:

المشاركة الأصلية كتبت بواسطة حسام البورسعيدى (المشاركة 503221)

متشكر جدا يا باشا وجزاك الله خير على اهتمامك والرد بسرعة
وربنا يستر طريقك و يبارك فيك

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...

مش عارف اعمل ايه من غيرك يا باشا فعلا باين المجهود المبذول في الموضوع

:waving:

اللوجان بصراحة عربية ملهاش حل بس موضوع الكلاكس ده انا اول مرة اسمع عنه علي فكرة بس حاجة مش عملية خالص بس عادي كل شركة وليها طريقتها

ميرسي مرة تانية:fun_36_3_16[1]:

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...

انا من اللى امتلكوا اللوجان فى الفترة الاخيرة
وعندي ملحوظة وعاوز ليها حل :-

المارشدير بيعشق بالعفية وبيعمل صوت

ايه هو الحل ؟

فيدوني ولكم جزير الشكر؟

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...

اقتباس:

المشاركة الأصلية كتبت بواسطة mohamed elmorab (المشاركة 507987)

انا من اللى امتلكوا اللوجان فى الفترة الاخيرة

وعندي ملحوظة وعاوز ليها حل :-

المارشدير بيعشق بالعفية وبيعمل صوت

ايه هو الحل ؟

فيدوني ولكم جزير الشكر؟

لو بيعمل معاك صوت حشرجه تروس يبقى الدبرياج واطى زياده عن اللزوم او انت مش بتدوس كويس ..

اما لو قصدك ان احيانا المارشدير مش بيعشق من اول مره .. فده طبيعى فى اللوجان واحيانا كل فتره بيحصل معايا .. محتاج تعود بس علشان تنقل الغيار صح ....