اشتريت بولو 1997 وعندى استفسار
 

السلام عليكم
انا اشتريت بولو 97 ... عامله 284 الف كم ...
وكنت عايز اعرف .... هل هيا كدا عامله كيلوات كتيره جدا ؟
وهل كدا الماتور ممكن يطلب عمره قريب ؟ وازاى اعرف ؟

وعلى فكره انا شاريها من ميكانيكى وهوا قايلى انها كويسه ؟
هيا 1300 سى سى ... مفيش باور .. فيه تكييف وسنتر ..

رد: اشتريت بولو 1997 وعندى استفسار
 

محتاج رأيكم

رد: اشتريت بولو 1997 وعندى استفسار
 

أعتقد إنها كده ماشية كتير أوي ..
بس عموما حضرتك تقدر تقيس كفائة الموتور عند أي مركز معتمد

رد: اشتريت بولو 1997 وعندى استفسار
 

اكتر من ربع مليون كم وقربت للمئه الف التالته من عمر الموتور عداد كبير طبعا فى اغلب الاحيان ولو حاله الموتور لسه كويسه فده يرجع لاهتمام وطريقه استخدام اللى كان راكبها قبل كده وفيه عربيات ممكن مواتيرها تخش فى نص مليون او حتى مليون كم بس المهم طريقه الاستخدام والعنايه

فلازم متحرقش وتقرص على المتور كتير وتسخنه كفايه فى الشتاء كل يوم وتستخدم الزيوت المناسبه لعمر ونوع الموتور وتغير الزيت والفلاتر باستمرار ..

وبالنسبة للاطمئنان على حالته فى بينزينات او مراكز فيها قياس لكبس الموتور ده مؤشر اساسى برضو تقدر تطمن بيه على حالته

وان شاء الله خير وتبقى عربيه جميلة وربنا يهبك خيرها ويكفيك شرها والف مبروك

رد: اشتريت بولو 1997 وعندى استفسار
 

وليه عرفك ان الماتور اصلا مش متغير من فتره او مش متعمر
المهم تكون حالة الماتور كويسه
وبتعرف من الزيت والحراره