ازاي استلم لوجان اتوماتيك 2013 ؟!؟!
 

رد: ازاي استلم لوجان اتوماتيك 2013 ؟!؟!
 

لو في التوكيل بيفصصلك كل حتة و يخلي الفني يوريك مكان البصمة علشان مكانها صعب حبتين و بتطلع عين بتاع المرور
و نصيحة شيك قبل ما تمضي على المعاينة حتى لو على لمبة صغنونة
و أتأكد إن المفاتيح 2 واحد ريموت و احتياطي
و معاهم ورقة السيريال بتاعتهم
الاستبن في شنطة العربية بالكوريك
تفتح الزجاج و تقفلة و تجرب النور و الكبوت
تشغل التكييف و الكاسيت و تطفيهم تتأكد منهم بس
تفتح الإزاز و تحرك المرايات ( حتى لو قالوا محدث و لا يهمك)
تشوف مموننها بكام و تفول لو تقدر بـ 92 و لله الأمر
و تاخد فاتورة ضريبية لو أمكن و تراجع الورق
الآفراج المجمع
خطاب المرور باسمك و رقم الشاسية و الموتور (مافيهاش حاجة أنا راجعت بنفسي الرقم كذا مرة)
تخبي الورق بعد ما تستلمه و أنت مروح بالسلامة و المفتاح الاحتياطي أو مفتاح الريموت يا تطلع تجيب شهادة البيانات من الدراسة أو من بين السريايات زي ما حيقولك يا تروح طوالي و تغطي العربية حلو لحد ما تأمن عليها تكميلي بـ 3.5% قبل ما تعلق النمر لأنه مش بيكون فيه معاينة خالص بتروح بس بالورق و هما بيعملوا الواجب
أنصحك مصر للتأمين أو كونتكت كار
بعد كده تطلع على المرور بالسلامة و يكون معاك في حدود 1500ج تراخيص 3 سنين لو كاش و حوالي 800ج لو قسط
أما برة ماليش فكرة و الله أعلى و أعلم

مبروك مقدماً - و تحت أمر حضرتك في اي استفسار
ربنا يديك خيرها و يكفيك شرها

رد: ازاي استلم لوجان اتوماتيك 2013 ؟!؟!
 

رد: ازاي استلم لوجان اتوماتيك 2013 ؟!؟!
 

التأمين التكميلي ده مش في المرور
ده ضد الحرائق
السرقة
الحوادث
و شامل حقوق الغير في بعض الأحيان حتى 40ألف جنيه غرامة لا قدر الله
بيكون في شركة التأمين بصورة بطاقتك و ورق العربية و بتدفع 3.5 أو 3.25% من إجمالي قيمة السيارة لمدة سنة و الزيرو ليها 5% تأمين شامل لو أتسرقت من تحت البيت يدفعوا ثمنها بالكامل بس انا عجزت في الفلوس فماعملتهوش قدر الله و ما شاء فعل

لو بتستلم من التوكيل بيكون الكاسيت بدون شفرة و ممكن يكون مشفر لكن الجديد كله متلين على الواقف و الكاسيت مش مشفر
المفتاح له كود بيشغل العربية و لو أتسرقت لا قدر الله الحرامي ربنا ياخده قبل ما يجي ناحيتها مستحيل يعرف يمشيها بس أحتفظ بالسيريال بتاع المفاتيح و أوعى ترميه خالص خصوصاً لو حتركنها في جراج أو ترميه في مكان حد يعرفك فيه علشان مش يطلع مفاتيح بالسيريال بتاعك لا قدر الله

الاستب ترونك لسه مش جربته و أول ما أجربه بأمر الله حنزل تقرير عنه ممكن تدخل على النت تشوف تجربته و نظرية عمله حتلاقيه كثير قوي

بالتوفيق أخي الفاضل - تحت أمرك أي وقت في اي استفسار
أختك توتة المصري

رد: ازاي استلم لوجان اتوماتيك 2013 ؟!؟!
 

معنى كده انىتامين العربة 4 الاف جنيه فى السنة ضد السرقة

صح كده ولا اه